ວັນທີ 9 ເມສານີ້, ໃນເວລາໃຫ້ສໍາພາດຕໍ່ນັກຂ່າວ CRI, ທ່ານຕານ ຢານ, ຜູ້ອໍານວຍການວິທະຍຸແຫ່ງຊາດກໍາປູເຈຍທີ່ກໍາລັງເຂົ້າຮ່ວມ"ກອງປະຊຸມໂຕະມົນຜູ້ນໍາສື່ມວນຊົນ"ຂອງກອງປະຊຸມປະຈໍາປີ 2014 ເວທີປຶກສາຫາລືອາຊີໂປອາວອາຊີກ່າວວ່າ, ວິທະຍຸມິດຕະພາບກໍາປູເຈຍ-ຈີນໄດ້ກາຍເປັນປ້ອງຢ້ຽມທີ່ດີທີ່ສຸດສໍາລັບປະຊາຊົນກໍາປູເຈຍໃນການຊອກຮູ້ປະເທດຈີນ.
ທ່ານຕານ ຢານກ່າວວ່າ, ວິທະຍຸມິດຕະພາບກໍາປູເຈຍ-ຈີນມີຜູ້ຟັງຈໍານວນຫຼວງຫຼາຍ ແລະຈໍານວນຜູ້ຟັງຍັງພວມເພີ່ມຂຶ້ນຢ່າງບໍ່ຢຸດຢັ້ງ. ຜູ້ຟັງມັກລາຍການທີ່ມີເນື້ອໃນອັນອຸດົມສົມບູນແລະມີຮູບການຫຼາຍຢ່າງຫຼາຍແນວຂອງວິທະຍຸມິດຕະພາບກໍາປູເຈຍ-ຈີນ. ວິທະຍຸມິດຕະພາບກໍາປູເຈຍ-ຈີນເປັນການສືບທອດ ມິດຕະພາບອັນເປັນມູນເຊື້ອລະຫວ່າງກໍາປູເຈຍກັບຈີນ ທັງເປັນແບບຢ່າງຂອງການຮ່ວມມືລະຫວ່າງສອງປະເທດໃນຂົງເຂດສື່ມວນຊົນ.