ຕອນບ່າຍວັນທີ 10 ເມສານີ້, ຢູ່ເມືອງໂປອາວ ແຂວງໄຫຫຼຳຂອງຈີນ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ພົບປະກັບທ່ານຈູງຮົງວົນ ນາຍົກລັດຖະມົນຕີສ ເກົາຫຼີທີ່ເດີນທາງ ມາຈີນເພື່ອເຂົ້າຮ່ວມກອງປະຊຸມປະຈຳປີ 2014 ຂອງເວທີປຶກສາຫາລືອາຊີໂປອາວ.
ທ່ານຫຼີເຄີ້ສຽງກ່າວວ່າ, ຈີນຍິນດີຮ່ວມກັບສ ເກົາຫຼີລົງເລິກການຮ່ວມມືໃນຂົງເຂດເສດຖະກິດການຄ້າ, ການສຶກສາ, ວິທະຍາສາດເຕັກນິກ, ວັດທະນະທຳ, ການທ່ອງທ່ຽວແລະອື່ນໆ. ປັດຈຸບັນ, ການເຈລະຈາເຂດການຄ້າເສລີຈີນ-ສ ເກົາຫຼີ ໄດ້ເຂົ້າສູ່ໄລຍະທີ່ສຳຄັນ, ຫວັງວ່າສອງຝ່າຍຈະເລັ່ງລັດຂະບວນການເຈລະຈາ, ເພື່ອບັນລຸການເຊັນສັນຍາທີ່ມີຄວາມດຸນດ່ຽງໂດຍລວມໃນດ້ານຜົນປະໂຫຍດໂດຍໄວເທົ່າທີ່ຈະໄວໄດ້.
ທ່ານຈຸງຮົງວົນກ່າວວ່າ, ຝ່າຍສ ເກົາຫຼີຍິນດີຮ່ວມກັບຝ່າຍຈີນຈັດຕັ້ງປະຕິບັດຄວາມຮັບຮູ້ທີ່ເປັນເອກະສັນກັນທີ່ຜູ້ນຳສອງປະເທດໄດ້ຕົກລົງຮ່ວມກັນ, ເພີ່ມທະວີການຮ່ວມມືໃນຂົງເຂດຕ່າງໆຕື່ມອີກ, ເລັ່ງລັດຊຸກຍູ້ຂະບວນການເຈລະຈາເຂດການຄ້າເສລີສ ເກົາຫຼີ-ຈີນ, ຊຸກຍູ້ເສດຖະກິດຂອງສອງປະເທດໃຫ້ມີການພັດທະນາແລະຄວາມຈະເລີນຮຸ່ງເຮືອງ.
ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບສະຖານະການຢູ່ແຫຼມເກົາຫຼີອີກດ້ວຍ.