2014年4月11日采访老挝总理通刑
|
ຕອນເຊົ້າວັນທີ 11 ເມສານີ້, ຢູ່ນະຄອນຫຼວງປັກກິ່ງ, ທ່ານທອງສິງ ທຳມະວົງ ນາຍົກລັດຖະມົນຕີແຫ່ງ ສປປ ລາວ ໄດ້ໃຫ້ສຳພາດຕໍ່ນັກຂ່າວ CRI, ທ່ານໄດ້ຕີລາຄາຢ່າງຕັ້ງໜ້າຕໍ່ກອງປະຊຸມເວທີປຶກສາຫາລືອາຊີໂປອາວໂປອາວ, ກອງປະຊຸມໂຕະມົນຜູ້ນຳສື່ມວນຊົນ, ງານວາງສະແດງຮູບພາບ "ຄົ້ນຫາຄວາມງາມຂອງອາຊີ", ປີແລກປ່ຽນວັດທະນະທຳຈີນ-ອາຊຽນ, ແລະໄດ້ຕັ້ງໜ້າຕີລາຄາຕໍ່ນະໂຍບາຍການຕ່າງປະເທດທີ່ເປັນມິດແລະເພີ່ມທະວີການຮ່ວມມືກັບປະເທດໃກ້ຄຽງ.
ໃນເວລາເວົ້າເຖິງກອງປະຊຸມເວທີປຶກສາຫາລືອາຊີໂປອາວໂປອາວ, ທ່ານກ່າວວ່າ: ກອງປະຊຸມເທື່ອນີ້ເປັນໂອກາດທີ່ໃຫ້ບັນດາປະເທດແລະຂົງເຂດອາຊີໄດ້ແລກ ປ່ຽນຖອດຖອນບົດຮຽນເຊິ່ງກັນແລະກັນ, ແລະການພັດທະນາເສດຖະກິດໃຫ້ມີຄວາມເຕີບໂຕ, ໂດຍສະເພາະໄດ້ ເຂົ້າໃຈຕື່ມກ່ຽວກັບທັດສະນະ, ມາດຕະການຕ່າງໆຂອງປະເທດຈີນ, ການເຕີບໂຕຂອງປະເທດຈີນເຊິ່ງເປັນປະເທດໃຫຍ່ຈະເຮັດໃຫ້ບັນດາປະເທດອາຊີໄດ້ຖອດຖອນບົດຮຽນແລະຮ່ຳຮຽນນຳ. ບົດຮຽນຂອງຈີນໃນການພັດທະນາເສດຖະກິດທີ່ເຮັດໃຫ້ປະເທດຈີນຮັ່ງມີເຂັ້ມແຂງຂຶ້ນໄວທີ່ສຸດ, ຈະເປັນບົດຮຽນອັນປະເສີດແລະເປັນຜົນປະໂຫຍດຂອງທຸກປະເທດຢູ່ໃນອາຊຽນ. ກອງປະຊຸມປະຈຳປີຄັ້ງນີ້ເປັນກອງປະຊຸມປະຈຳປີທີ່ມີຫົວຂໍ້ພິເສດເພື່ອການເຕີບໂຕຂອງເສດຖະກິດ, ພິເສດແມ່ນໄດ້ເອົາທັດສະນະຂອງພະນະທ່ານສີຈີ້ນພີງມາປຶກສາຫາລືແມ່ນເສັ້ນທາງສາຍໄໝ.
ໃນເວລາເວົ້າເຖິງ "ກອງປະຊຸມໂຕະມົນຜູ້ນຳສື່ມວນຊົນ" ແລະງານວາງສະແດງຮູບພາບ "ຄົ້ນຫາຄວາມງາມຂອງອາຊີ", ທ່ານກ່າວວ່າ: ກອງປະຊຸມຄັ້ງນີ້ມີການກະກຽມດີເລີດ, ໂດຍສະເພາະແມ່ນພາຫະນະສື່ມວນຊົນ, ໄດ້ຜັນຂະຫຍາຍຈິດໃຈຂອງກອງປະຊຸມໄວ, ເປັນການໂຄສະນາໃຫ້ທຸກປະເທດອາຊີກໍ່ຄືໃນໂລກໄດ້ເຂົ້າໃຈບົດບາດຂອງກອງປະຊຸມເທື່ອນີ້.
ໃນເວລາເວົ້າເຖິງປີແລກປ່ຽນວັດທະນະທຳຈີນ-ອາຊຽນ, ທ່ານກ່າວວ່າ: ປີ2014ເປັນປີທີ່ຈະມີການແລກປ່ຽນວັດທະນະທຳລະຫວ່າງອາຊຽນກັບຈີນ, ໂດຍສະເພາະສປຈີນກັບສປປລາວໄດ້ມີສາຍພົວພັນເຄີຍໄດ້ແລກປ່ຽນສິລະປະວັນນະຄະ ດີ, ການໄປມາຫາສູ່, ແລະກໍ່ໄດ້ຈັດງານວາງສະແດງຮ່ວມກັນມາຫຼາຍຄັ້ງແລ້ວ, ສະນັ້ນໃນໂອກາດປິ2014ນີ້ຈະເປັນໂອກາດດີຕື່ມອີກເຮັດໃຫ້ການພົວພັນແລກປ່ຽນວັດທະນະທຳລະຫວ່າງສອງປະເທດຂອງພວກເຮົາໄດ້ຜັນຂະຫຍາຍແລະໄດ້ຈັດຕັ້ງປະຕິບັດຫຼາຍກິດຈະການໃຫ້ມີຊີວິດຊີວາ, ສຳລັບລາວ, ເປັນປີທີ່ຈະກຽມໃສ່ຄົບຮອບ60ປີວັນສ້າງຕັ້ງພັກ, 40ປີວັນສະຖາປະນາສປປລາວ, ການແລກປ່ຽນສິນລະປະວັດທະນະທຳລະຫວ່າງສອງປະເທດຍິ່ງຈະເປັນໂອກາດຊຸກຍູ້ການຮ່ວມມືກໍ່ຄືການສະເຫຼີມສອງປະຫວັດສາດດັ່ງກ່າວ.
ສຸດທ້າຍ, ທ່ານໄດ້ຕັ້ງໜ້າຕີລາຄາຕໍ່ນະໂຍບາຍເປັນມິດແລະເພີ່ມທະວີການຮ່ວມມືກັບປະເທດໃກ້ຄຽງຂອງຈີນ ໂດຍກ່າວວ່າ: ຈີນຍາມໃດກໍ່ຍຶດໝັ້ນໃນແນວທາງຮ່ວມມືກັບຕ່າງປະເທດແລະເປັນມິດກັບທຸກປະເທດ, ຮັກສາສັນຕິພາບ, ມິດ ຕະພາບແລະການຮ່ວມມື, ພະຍາຍາມປົກປ້ອງອະທິປະໄຕຂອງຕົນຕາມ ທັດສະນະທີ່ປຶກສາຫາລືເຄົາລົບເອກະລາດອະທິປະໄຕຂອງບັນດາປະເທດ, ອັນນີ້ຂ້າພະເຈົ້າເຫັນວ່າຖືກຕ້ອງ, ສຳລັບ ສປປ ລາວຍາມໃດກໍ່ສະໜັບສະໜູນທັດສະນະປະເທດຈີນດຽວຢ່າງສະເໝີຕົ້ນສະເໝີປາຍ.