ຕອນຄ່ຳວັນທີ 13 ເມສານີ້, ຍົນເໝົາລຳເພື່ອໄປທ່ຽວໄທຂອງແຂວງສ່ານຊີ່ຈີນປີ 2014 ຖ້ຽວທຳອິດໄດ້ເລິ່ມຕົ້ນອອກເດີນທາງ, ໄດ້ມີນັກທ່ອງທ່ຽວສ່ານຊີ່ 155 ຄົນຈະໄປຮອດເມືອງໄທ ເພື່ອສຳຜັດກັບຮີດຄອງບຸນຫົດນ້ຳຂອງໄທ, ນີ້ແມ່ນຂີດໝາຍສະແດງໃຫ້ເຫັນວ່າ, ການເໝົາຍົນໄປທ່ຽວຢູ່ໄທທີ່ຢຸດພັກເປັນເວລາ 4 ເດືອນນັ້ນໄດ້ຟື້ນຟູຄືນໃໝ່.
ທ່ານຫຼີເຈີ້ເຫວີຍ ຮອງປະທານຂອງບໍລິສັດທ່ອງທ່ຽວສາກົນປາວຮວາຈີນ ສາຂາແຂວງສ່ານຊີ່ກ່າວວ່າ, ຄຽງຄູ່ກັບສະຖານະການ ແລະ ລະບຽບການທາງສັງຄົມຂອງໄທດີຂຶ້ນເທື່ອລະກ້າວ, ພວກຂ້າພະເຈົ້າຕົກລົງຟື້ນຟູການໃຫ້ບໍລິການເໝົາຍົນໄປທ່ຽວຢູ່ໄທເນື່ອງໃນໂອກາດບຸນສົງການ, ໃຫ້ພົນລະເມືອງສ່ານຊີ່ໄປເມືອງໄທສຳຜັດກັບຮີດຄອງທີ່ເປັນມູນເຊື້ອ ແລະ ງານມະຫາກຳຫົດນ້ຳທ້ອງຖິ່ນ.
