ຕາມຕົວເລກຂໍ້ມູນສະຖິຕິຫຼ້າສຸດຂອງກົມລົງທຶນກັບຕ່າງປະເທດຂອງໂຮນລັງສະແດງໃຫ້ເຫັນວ່າ, ປີ 2013 ແລ້ວນີ້, ຖ້າຈັດອັນດັບການລົງທຶນຂອງຕ່າງປະເທດຕາມຈຳນວນໂຄງການແລະຕຳແໜ່ງວຽກງານທີ່ເພີ່ມຕື່ມໃໝ່ແລ້ວ, ຈີນໄດ້ກາຍເປັນປະເທດແຫຼ່ງການລົງທຶນໂດຍກົງໃຫຍ່ອັນດັບທີສອງຂອງໂຮນລັງ 3 ປີລຽນຕິດ.
ຂ່າວແຈ້ງວ່າ, ໃນປີ 2013 ແລ້ວນີ້, ໂຄງການການລົງທຶນຂອງຈີນຢູ່ໂຮນລັງໄດ້ເພີ່ມອີກ 42 ໂຄງການ, ຍອດມູນຄ່າການລົງທຶນມີເຖິງ 68 ລ້ານເງິນເອີໂລ. ວິສາຫະກິດຈີນທີ່ໄປລົງທຶນຢູ່ໂຮນລັງຕົ້ນຕໍແມ່ນມາຈາກເຂດບໍລິຫານພິເສດຮົງກົງ, ແຂວງກວາງຕຸ້ງ, ນະຄອນຫຼວງປັກກິ່ງ, ນະຄອນຊຽງໄຮແລະແຂວງເຈີ້ຈ່ຽງ, ຕົ້ນຕໍໄດ້ລົງທຶນໃນຂະແໜງການບໍລິໂພກ, ໂຄງການອຸດສາຫະກຳ, ຂະແໜງການການບໍລິການ, IT, ເອເລັກໂຕຼນິກ, ອຸດສາຫະກຳເຄມີ, ພະລັງງານ, ຄົມມະນາຄົມ, ການຈໍລະຈອນສິນຄ້າແລະຂະແໜງການອື່ນໆ.