ຕອນບ່າຍວັນທີ 14 ເມສານີ້, ຢູ່ຫໍຈືກວາງທຳນຽບຈົ່ງນານໄຫ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ພົບປະກັບທ່ານຟຣານກ໌ ວອນເຕີ ສະເທນເມວ ລັດຖະມົນຕີວ່າການກະຊວງການຕ່າງປະເທດເຢັຍລະມັນ.
ທ່ານຫຼີເຄີ້ສຽງກ່າວວ່າ, ຫວ່າງກ່ອນນີ້ບໍ່ດົນ, ທ່ານປະທານສີຈີ້ນຜີງໄດ້ຢ້ຽມຢາມເຢັຍລະມັນຢ່າງສຳເລັດຜົນ, ສອງປະເທດໄດ້ສ້າງການພົວພັນຍຸດທະສາດຮອບດ້ານ. ຂ້າພະເຈົ້າຄອງຄອຍວ່າຈະເດີນທາງໄປຢ້ຽມຢາມເຢັຍລະມັນໃນປີນີ້ ແລະ ຮ່ວມກັບທ່ານນາຍົກລັດຖະມົນຕີເມີເກວ ເປັນປະທ່ານຮ່ວມຂອງກອງປະຊຸມປຶກສາຫາລືລັດຖະບານຈີນ-ເຢັຍລະມັນຮອບທີ 3.
ທ່ານສະເທນເມວກ່າວວ່າ, ເຢັຍລະມັນຍ້ອງຍໍຈີນທີ່ໄດ້ເສີມຂະຫຍາຍບົດບາດທີ່ມີລັກສະນະສ້າງສັນໃນວຽກງານສາກົນ, ຍິນດີເພີ່ມທະວີການແລກປ່ຽນ ແລະ ຖອດຖອນບົດຮຽນເຊິ່ງກັນແລະກັນກັບຈີນ. ເຢັຍລະມັນຄອງຄອຍທ່ານນາຍົກຫຼີເຄີ້ຊຽງຢ້ຽມຢາມເຢັຍລະມັນໃນປີນີ້ ແລະ ຈັດກອງປະຊຸມປຶກສາຫາລືລະຫວ່າງລັດຖະບານ ເພື່ອເພີ່ມທະວີການຮ່ວມມືຍຸດທະສາດ ແລະ ຊຸກຍູ້ການພັດທະນາຮ່ວມກັນ.
ສອງຝ່າຍຍັງໄດ້ແລກປ່ຽນຄວາມຄິດຄວາມເຫັນຕໍ່ສະຖານະການອູແກຣນ ແລະ ບັນຫາອື່ນໆ.