ວັນທີ 24 ເມສານີ້ ກົມຄຸ້ມຄອງເງິນຕາຕ່າງປະເທດແຫ່ງຊາດຈີນໄດ້ຈັດກອງປະຊຸມຂ່າວເພື່ອລາຍງານສະພາບລາຍຮັບລາຍຈ່າຍເງິນຕາຕ່າງປະເທດຂອງຈີນໃນໄຕມາດທີໜຶ່ງຂອງປີ 2014. ໃນເວລາຕອບຄຳຖາມຂອງນັກຂ່າວ, ທ່ານກວນທ່າວ ຫົວໜ້າກົມລາຍຮັບລາຍຈ່າຍສາກົນຂອງກົມຄຸ້ມຄອງເງິນຕາຕ່າງປະເທດແຫ່ງຊາດຈີນ ໄດ້ໃຊ້ 3 ຄຳຕອນມາຕອບໂຕ້ສະພາບທີ່ລາຄາເງິນຢວນຈີນຕໍ່ໂດລາສະຫະລັດໄດ້ອ່ອນຄ່າລົງຢ່າງຕໍ່ເນື່ອງໃນໄລຍະມໍ່ໆມານີ້, ເຊິ່ງກໍຄື: ອັດຕາແລກປ່ຽນມີການເໜັງຕິງນັ້ນແມ່ນເລື່ອງທີ່ປົກກະຕິ, ມີເງື່ອນໄຂທີ່ລາຄາອ່ອນລົງຫຼືແຂງຄ່າຂຶ້ນ, ການປ່ຽນແປງຂອງອັດຕາແລກປ່ຽນແມ່ນອະທິບາຍໄດ້.
ກ່ອນອື່ນ ທ່ານກວນທ່າວອະທິບາຍວ່າ, ອັດຕາແລກປ່ຽນເງິນຢວນຈີນຕົກຕ່ຳລົງ ຫຼືເພີ່ມສູງຂຶ້ນ ລ້ວນແຕ່ແມ່ນເລື່ອງທີ່ປົກກະຕິ. "ເມື່ອເບິ່ງຈາກປະຫວັດສາດແລ້ວເຫັນວ່າ, ບໍ່ວ່າຈະໃຊ້ນະໂຍບາຍຫຍັງ, ລ້ວນແຕ່ບໍ່ມີເງິນຕາໃດໜຶ່ງທີ່ແພງຂຶ້ນພຽງຢ່າງດຽວແຕ່ບໍ່ຕົກຕ່ຳລົງຈັກເທື່ອ. ໂດຍສະເພາະ ເມື່ອກົນໄກຕົກລົງອັດຕາແລກປ່ຽນນັ້ນຫັນເປັນຕະຫຼາດຫຼາຍຍິ່ງຂຶ້ນ, ແລະລະບຽບການອັດຕາແລກປ່ຽນຄ່ອງແຄ້ວຫຼາຍຍິ່ງຂຶ້ນແລ້ວ, ອັດຕາແລກປ່ຽນນັ້ນກໍຈະມີການຂຶ້ນໆລົງໆເປັນປະຈຳ.
 |
