ສ.ປ.ປ ເກົາຫຼີຮຽກຮ້ອງໃຫ້ສ.ເກົາຫຼີກັບອາເມລິກາບຸດຕິການຊ້ອມຮົບຮ່ວມໃນໄລຍະຈັດງານກິລາອາຊີ
2014-06-30 16:01:54 cri
ຕາມຂ່າວCRI: ຂ່າວສານສູນກາງສ.ປ.ປເກົາຫຼີລາຍງານວ່າ, ວັນທີ 30 ມິຖຸນານີ້, ສ.ປ.ປເກົາຫຼີໃນນາມຂອງຄະນະກຳມະການປ້ອງກັນປະເທດໄດ້ສົ່ງ "ຂໍ້ສະເໜີພິເສດ" ໄປຍັງລັດຖະບານສ.ເກົາຫຼີ, ຮຽກຮ້ອງໃຫ້ລັດຖະບານສ.ເກົາຫຼີຍຸດຕິການກະທຳທີ່ເປັນປໍລະປັກກັນຢ່າງຮອບດ້ານເລີ່ມແຕ່ເວລາ 0 ໂມງຂອງວັນທີ 4 ກໍລະກົດໜ້ານີ້ເປັນຕົ້ນໄປ, ແລະຮຽກຮ້ອງໃຫ້ລັດຖະບານສ.ເກົາຫຼີອີງຕາມຫຼັກການ "ທົ່ວຊົນຊາດສາມັກຄີກັນ" ເພື່ອວາງນະໂຍບາຍ, ເພື່ອປະຕິບັດ "ຂໍ້ສະເໜີຍຸດຕິການໃສ່ຮ້າຍປ້າຍສີກັນ" ໄດ້ລະບຸໄວ້ໃນເວລາການນຳຂັ້ນສູງຂອງສອງປະເທດໄດ້ຕິດຕໍ່ພົວພັນໃນເດືອນກຸມພາປີ 2014. ນອກນີ້, ສ.ປ.ປເກົາຫຼີຍັງຮຽກຮ້ອງໃຫ້ສ.ເກົາຫຼີກັບອາເມລິກາຍຸດຕິການຊ້ອມຮົບຮ່ວມທີ່ຈະຈັດຂຶ້ນໃນໄລຍະຈັດງານກິລາອາຊີູຢູ່ເມືອງອິນຊອນ. ຄະນະກຳມະການປ້ອງກັນປະເທດສ.ປ.ປເກົາຫຼີກ່າວໃນ "ຂໍ້ສະເໜີພິເສດ" ວ່າ, ສ.ປ.ປເກົາຫຼີສົ່ງເສີມ 3 ຫຼັກການໃຫຍ່, ຄື: ເປັນເຈົ້າຕົນເອງ, ສັນຕິພາບ, ທົ່ວຊົນຊາດສາມັກຄີກັນ, ເພື່ອສ້າງສະຖານະການໃໝ່ດ້ານການພົວພັນລະຫວ່າງສ.ປ.ປເກົາຫຼີກັບສ.ເກົາຫຼີ. ນັບມາຮອດປັດຈຸບັນນີ້, ສ.ເກົາຫຼີຍັງບໍ່ທັນໃຫ້ຄຳຕອບຕໍ່ຂໍ້ສະເໜີຂອງສ.ປ.ປເກົາຫຼີເທື່ອ.
