ວັນທີ 20 ກໍລະກົດນີ້, ທ່ານສີຈິ້ນຜິງ, ປະທານປະເທດຈີນໄດ້ເດີນທາງໄປຮອດນະຄອນຫຼວງຄາຣາກາສ,ເລີ່ມຢ້ຽມຢາມເວເນຊູເອລາທາງລັດຖະກິດ.
ທ່ານນີໂຄລັສ ມາດູໂຣ, ປະທານາທິບໍດີເວເນຊູເອລາໄດ້ຈັດພິທີຕ້ອນຮັບທ່ານສີຈິ້ນຜິງຢ່າງຄຶກຄື້ນຢູ່ສະໜາມບິນ. ທ່ານສີຈິ້ນຜິງກ່າວເນັ້ນວ່າ, ຈີນແລະເວເນຊູເອລາໄດ້ກາຍເປັນເພື່ອນມິດຂ້າມມະຫາສະໝຸດທີ່ຈິງໃຈຕໍ່ກັນແລະເປັນຄູ່ຮ່ວມຍຸດທະສາດແບບມີການພັດທະນາຮ່ວມກັນ, ຂ້າພະເຈົ້າມີຄວາມປາຖະໜາໃນການຮ່ວມກັບທ່ານນີໂຄລັສ ມາດູໂຣ, ປະທານາທິບໍດີເວເນຊູເອລາຮ່ວມກັນວາງແຜນການກ່ຽວກັບອະນາຄົດຂອງການພົວພັນລະຫວ່າງສອງຝ່າຍ, ສຳຜັດແລະແລກປ່ຽນກັບບຸກຄົນທີ່ມາຈາກວົງການຕ່າງໆໃນສັງຄົມຢ່າງກວ້າງຂວາງ, ເພີ່ມທະວີການພົວພັນທີ່ມີໄມຕີຈິດມິດຕະພາບ, ຊຸກຍູ້ການຮ່ວມມື, ສະແຫວງຫາການພັດທະນາ, ຊຸກຍູ້ການພົວພັນລະຫວ່າງຈີນ-ເວເນຊູເອລາໃຫ້ຂະຫຍາຍກ້າວຂຶ້ນສູ່ລະດັບໃໝ່.
ທ່ານສີຈິ້ນຜິງໄດ້ເດີນທາງໄປຮອດນະຄອນຫຼວງຄາຣາກາສພາຍຫຼັງສິ້ນສຸດການຢ້ຽມຢາມອາກຊັງຕິນທາງລັດຖະກິດ.
