ຕາມຂ່າວCRI: ໂດຍອີງຕາມການເຊື້ອເຊີນຂອງທ່ານຣອນ ກາສໂຕຼ, ປະທານຄະນະກໍາມະການວຽກງານແຫ່ງລັດທັງເປັນປະທານກອງປະຊຸມລັດຖະມົນຕີຂອງສາທາລະນະລັດກູບາ, ທ່ານສີຈິ້ນຜິງ, ປະທານປະເທດຈີນຈະເດີນທາງໄປຢ້ຽມຢາມກູບາທາງລັດຖະກິດ. ຫວ່າງບໍ່ດົນມານີ້, ທ່ານຈ່າງໂທ້, ເອກອັກຄະລັດຖະທູດຈີນປະຈຳກູບາກ່າວໃນເວລາໃຫ້ສາດຕໍ່ນັກຂ່າວວ່າ, ການພົວພັນລະຫວ່າງຈີນກັບກູບາພວມຢູ່ໃນໄລຍະທີ່ດີທີ່ສຸດໃນປະຫວັດສາດ, ແມ່ນແບບຢ່າງທີ່ດີດ້ານການຮ່ວມມືແລະສາມັກຄີກັນລະຫວ່າງປະເທດທີ່ກໍາລັງພັດທະນາແລະແມ່ນກອງໜ້າຂອງການພັດທະນາການພົວພັນລະວ່າງຈີນກັບປະເທດອາເມລິກາລາຕິນ.
ທ່ານຈ່າງໂທ້ກ່າວວ່າ, ໃນປີມໍ່ໆມານີ້, ການນຳຂັ້ນສູງລະຫວ່າງຈີນກັບກູບາໄດ້ໄປມາຫາສູ່ກັນເປັນປະຈຳ, ເຊິ່ງໄດ້ສະແດງໃຫ້ເຫັນເຖິງການພົວພັນດ້ານການເມືອງທີ່ມີລະດັບສູງລະຫວ່າງສອງປະເທດ. ການເດີນທາງໄປຢ້ຽມຢາມກູບາຂອງທ່ານສີຈິ້ນຜິງຄັ້ງນີ້ຈະເສີມຂະຫຍາຍບົດບາດທີ່ສຳຄັນໃນການນຳພາແລະຊຸກຍູ້ການພັດທະນາການພົວພັນສອງຝ່າຍຕື່ມອີກ. ທ່ານຈ່າງໂທ້ກ່າວວ່າ, ຄວາມໄວ້ເນື້ອເຊື່ອໃຈດ້ານການເມືອງລະຫວ່າງສອງປະເທດໄດ້ເພີ່ມທະວີຂຶ້ນຢ່າງບໍ່ຢຸດຢັ້ງ, ແລະໄດ້ຖືຫຼັກໝັ້ນແລະຄວາມເຫັນທີ່ເປັນເອກະພາບກັນກ່ຽວກັບບັນຫາສາກົນທີ່ສຳຄັນຢ່າງຫຼວງຫຼາຍ, ໄດ້ມີການສະໜັບສະໜູນເຊິ່ງກັນແລະກັນໃນບັນຫາທີ່ກ່ຽວພັນເຖິງຜົນປະໂຫຍດຕົ້ນຕໍຂອງສອງປະເທດ.