ວັນທີ 21 ກໍລະກົດນີ້, ທ່ານສີຈິ້ນຜິງ, ປະທານປະເທດຈີນທີ່ພວມຢ້ຽມຢາມເວເນຊູເອລາທາງລັດຖະກິດໄດ້ໄປຢ້ຽມຢາມແລະສະແດງຄວາມໄວ້ອາໄລຕໍ່ທ່ານຮຸຍໂກ ຊາເວສ ອະດີດປະທານາທິບໍດີເວເນຊູເອລາ ຢູ່ສຸສານຂອງທ່ານ.
ໃນເວລາທີ່ທ່ານສີຈິ້ນຜິງເດີນທາງໄປຮອດສຸສານ, ທ່ານຈອດ ອາເຣຍຊາ ຮອງປະທານາທິບໍດີເວເນຊູເອລາພ້ອມດ້ວຍພັນລະຍາຂອງທ່ານ, ທ່ານນາງໂຣຊາ ເວີກີເນຍ ລູກສາວຂອງທ່ານຮຸຍໂກຊາເວສໄດ້ນຳພາລັດຖະມົນຕີຂອງລັດຖະບານແລະນາຍທະຫານລະດັບສູງຈາກ 3 ເຫຼົ່າທັບໄປຕ້ອນຮັບທ່ານສີຈິ້ນຜິງ.
ທ່ານສີຈິ້ນຜິງຊີ້ອອກວ່າ, ປະຊາຊົນຈີນສະແດງຄວາມອາໄລຮັກຕໍ່ທ່ານຮຸຍໂກຊາເວສທີ່ໄດ້ເຖິງແກ່ມໍລະນະກຳ. ທ່ານກ່າວວ່າ, ຂ້າພະເຈົ້າຮູ້ສຶກດີໃຈຫຼາຍທີ່ໄດ້ເຫັນລັດຖະບານແລະປະຊາຊົນເວເນຊູເອລາໄດ້ສືບທອດພາລະກິດຂອງທ່ານຮຸຍໂກ ຊາເວສ, ເຊື່ອວ່າພວກທ່ານຈະສາມາດໄດ້ຮັບຄວາມຄືບໜ້າໃໝ່ຢ່າງບໍ່ຢຸດຢັ້ງໃນເສັ້ນທາງຂອງການສ້າງສາພັດທະນາປະເທດຊາດ.
