ເອກອັກຄະລັດຖະທູດອູແກຣນປະຈໍາຈີນຮຽກຮ້ອງໃຫ້ປະຊາຄົມໂລກຈົ່ງເຂົ້າຮ່ວມການສືບສວນສາເຫດຂອງອຸບັດເຫດເຮືອບິນໂດຍສານຖ້ຽວບິນ MH17 ຂອງບໍລິສັດການບິນມາເລເຊຍຕົກຢ່າງຕັ້ງໜ້າ
2014-07-22 15:34:32 cri
ວັນທີ 21 ກໍລະກົດນີ້, ຢູ່ນະຄອນຫຼວງປັກກິ່ງຂອງຈີນ, ໃນເວລາຈັດກອງປະຊຸມຂ່າວກ່ຽວກັບອຸບັດເຫດເຮືອບິນໂດຍສານຖ້ຽວບິນ MH17 ຂອງບໍລິສັດການບິນມາເລເຊຍຕົກ , ທ່ານໂອເລັກ ເດມິນ, ເອກອັກຄະລັດຖະທູດອູແກຣນປະຈໍາຈີນກ່າວວ່າ, ອຸບັດເຫດເຮືອບິນໂດຍສານຖ້ຽວບິນ MH17 ຂອງບໍລິສັດການບິນມາເລເຊຍຕົກເປັນເຫດການທີ່ມີລັກສະນະສາກົນ, ອູແກຣນໄດ້ສືບສວນສາເຫດຂອງອຸບັດເຫດຄັ້ງນີ້ຢ່າງເລິກເຊິ່ງ ແຕ່ບໍ່ສາມາດດໍາເນີນໄປໄດ້ຢ່າງສະດວກ, ຫວັງວ່າປະຊາຄົມໂລກຈະເຂົ້າຮ່ວມການສືບສວນສາເຫດຂອງອຸບັດເຫດຄັ້ງນີ້ຢ່າງຕັ້ງໜ້າ. ທ່ານເດມິນ ຍັງໄດ້ສະແດງຄວາມຂອບໃຈຕໍ່ຝ່າຍຈີນທີ່ໄດ້ສະເໜີຂໍ້ລິເລີ່ມກ່ຽວກັບການສະແຫວງຫາແຜນການແກ້ໄຂດ້ານການເມືອງຢ່າງຮອບດ້ານໃນກອງປະຊຸມເປີດເຜີຍກ່ຽວກັບບັນຫາອູແກຣນຂອງສະພາຄວາມໝັ້ນຄົງອົງການສະຫະປະຊາຊາດເພື່ອບັນລຸສະເຖຍລະພາບແລະການພັດທະນາຂອງອຸແກຣນໂດຍໄວ. ພ້ອມກັນນັ້ນ, ທ່ານເດມິນຫວັງວ່າ ຈີນຈະສາມາດສືບຕໍ່ເສີມຂະຫຍາຍບົດບາດເຂົ້າໃນຂະບວນຟື້ນຟູສັນຕິພາບແລະສະເຖຍລະພາບຂອງອູແກຣນ.