ວັນທີ 21 ກໍລະກົດນີ້, ກໍາປັ່ນຂົນສົ່ງສິນຄ້າລໍາໜຶ່ງໄດ້ເດີນທາງອອກຈາກນະຄອນອູຮ້ານແຂວງຫູເປີຍຂອງຈີນ ໄປຫາທ່າກໍາປັ່ນໂຮຈີມິນຂອງຫວຽດນາມ. ນີ້ໝາຍຄວາມວ່າ ເສັ້ນທາງຂົນສົ່ງທາງນໍ້າທົດລອງແຕ່ນະຄອນອູຮ້ານຂອງຈີນຫາ 4 ປະເທດຂອງອາຊຽນ ຄື ໄທ, ກໍາປູເຈຍ, ຫວຽດນາມແລະລາວ ໄດ້ເລີ່ມໃຫ້ບໍລິການຢ່າງເປັນທາງການແລ້ວ.
ເສັ້ນທາງສາຍນີ້ແມ່ນບໍລິສັດຂົນສົ່ງສິນຄ້າສາກົນຈົ່ງຢວນຈໍາກັດເປັນຜູ້ຮັບຜິດຊອບໃນການໃຫ້ບໍລິການ ເຊິ່ງໃນວັນອາທິດແລະວັນອັງຄານຂອງແຕ່ລະອາທິດຈະມີກໍາປັ່ນເດີນທາງອອກຈາກທ່າກໍາປັ່ນຢາງໂລຂອງນະຄອນອູຮ້ານແລະທ່າກໍາປັ່ນບາງກອກຂອງໄທ. ເຈົ້າໜ້າທີ່ຮັ້ບຜິດຊອບທີ່ກ່ຽວຂ້ອງຂອງບໍລິສັດຈົ່ງຢວນກ່າວວ່າ, ຖ້າທຽບກັບບໍລີສັດຂົນສົ່ງທາງນໍ້າອື່ນໆທີ່ສໍາຄັນ, ເສັ້ນທາງຂົນສົ່ງທາງນໍ້າຂອງບໍລິສັດຈົ່ງຢວນບໍ່ພຽງແຕ່ໃຊ້ເວລາເດີນທະເລໜ້ອຍສຸດເທົ່ານັ້ນ, ຍັງສາມາດປະຢັດເວລາໃນການຂົນສົ່ງສິນຄ້າລົງຕື່ມອີກ.
