ວັນທີ 11 ສິງຫານີ້, ກະຊວງການຕ່າງປະເທດຈີນແຈ້ງໃຫ້ຮູ້ວ່າ, ທ່ານສີຈິ້ນຜິງ, ປະທານປະເທດຈີນຈະເຂົ້າຮ່ວມພິທີໄຂງານມະຫະກຳກິລາໂອລິມປິກຊາວໜຸ່ມລະດູຮ້ອນຄັ້ງທີ 2 ທີ່ຈະຈັດຂຶ້ນຢູ່ນະຄອນນານກິ່ງແຂວງຈ່ຽງຊູ່ຂອງຈີນໃນວັນທີ 16 ສິງຫານີ້.
ທ່ານຊິນກ່າງ, ໂຄສົກກະຊວງການຕ່າງປະເທດຈີນປະກາດວ່າ, ໂດຍຕອບສະໜອງຕາມຄຳເຊີນຂອງທ່ານສີຈິ້ນຜິງ, ປະທານປະເທດຈີນ, ທ່ານເປຍເຣ ເອັນຄູຣຸນຊິນຈາ, ປະທານາທິບໍດີບູຣູນດີ, ທ່ານເອເປລີ ໄນລາຕີຄາວ, ປະທານາທິບໍດີຟີຈີ, ທ່ານອັບດູເອວລາຮ໌ ຢາມີນ, ປະທານາທິບໍດີມານດິຟ, ທ່ານຟີລິບ ວູຈາໂນວິກ, ປະທານາທິບໍດີມົງເຕເນໂກຼ, ທ່ານໂທນີ ຕານແຄງຢານ, ປະທານາທິບໍດີສິງກະໂປ, ທ່ານໂຈ ນາຕູມານ, ນາຍົກລັດຖະມົນຕີວານູອາຕູ ແລະ ທ່ານບັນກີມູນ, ເລຂາທິການໃຫຍ່ອົງການສະຫະປະຊາຊາດຈະເຂົ້າຮ່ວມພິທີໄຂງານ.
 |
