ວັນທີ 11 ສິງຫານີ້, ຄະນະກຳມະການຈັດງານມະຫາກຳກິລາໂອລິມປິກຊາວໜຸ່ມນານກິ່ງແຈ້ງໃຫ້ຊາບວ່າ, ໃນໄລຍະງານມະຫາກຳກິລາໂອລິມປິກຊາວໜຸ່ມຄັ້ງທີ 2 ທີ່ຈະຈັດຂຶ້ນຢູ່ນະຄອນນານກິ່ງຂອງຈີນໃນເດືອນສິງຫານີ້, ຈະຈັດໃຫ້ມີກິດຈະກຳວັດທະນະທຳແລະການສຶກສາ 77 ປະການເພື່ອໃຫ້ຊາວໜຸ່ມທີ່ມາຈາກແຫ່ງຕ່າງໆໃນທົ່ວໂລກໄດ້ສຳຜັດກັບວັດທະນະທຳທີ່ອຸດົມສົມບູນຮ່ວມກັນ.
ເມື່ອທຽບກັບງານກິລາໂອລິມປິກແລ້ວ, ງານມະຫາກຳກິລາໂອລິມປິກຊາວໜຸ່ມເພີ່ມຄວາມເອົາໃຈໃສ່ກິດຈະກຳວັດທະນະທຳແລະການສຶກສາ, ຮຽກຮ້ອງໃຫ້ນັກກິລາເຂົ້າຮ່ວມກິດຈະກຳວັດທະນະທຳການສຶກາປະເພດຕ່າງໆແຕ່ຕົ້ນຈົນຈົບແລະພາຍຫຼັງສຳເລັດການແຂ່ງຂັນແລ້ວກໍບໍ່ຄວນລາໄປ . ນອກນີ້, ຄະນະກຳມະການຈັດງານມະຫາກຳກິລາຊາວໜຸ່ມຍັງຈະຈັດກິດຈະກຳການສອນຄວາມຮູ້ພື້ນຖານດ້ານກິລາຕ່າງໆເພື່ອໃຫ້ຊາວໜຸ່ມມ່ວນຊື່ນກັບວັດທະນະທຳກິລາໃຫ້ຫຼາຍກວ່າເກົ່າ.