ວັນທີ 12 ສິງຫານີ້, ໄດ້ດໍາເນີນການສົ່ງທວນໄຟຕໍ່ກັນຂອງງານມະຫາກຳກິລາໂອລິມປິກຊາວໜຸ່ມໜານກິ່ງຢູ່ເຂດປິ່ນຈ່ຽງ ນະຄອນໜານກິ່ງຂອງຈີນ, ຜ່ານການສົ່ງທວນໄຟຕໍ່ກັນໃນວັນທີ 8 ແລະວັນທີ 12 ສິງຫານີ້, ການສົ່ງທວນໄຟຕໍ່ກັນຂອງງານມະຫາກຳກິລາໂອລິມປິກຊາວໜຸ່ມໄດ້ສິ້ນສຸດລົງ. ຫຼັງຈາກໄດ້ເກັບເຊື້ອໄຟຄືນແລ້ວ, ຈະຈູດໄຟສັກສິດໃນເວລາຈັດພິທີເປີດງານມະຫາກຳກິລາໂອລິມປິກຊາວໜຸ່ມໃນວັນທີ 16 ສິງຫານີ້.
ທ່ານຢາງເວີ້ຍຈື, ປະທານບໍລິຫານງານຄະນະກໍາມະການຈັດຕັ້ງງານມະຫາກຳກິລາໂອລິມປິກຊາວໜຸ່ມໜານກິ່ງ ເລຂາຄະນະພັກນະຄອນໜານກິ່ງກ່າວວ່າ, ງານມະຫາກຳກິລາໂອລິມປິກຊາວໜຸ່ມໜານກິ່ງຈະຈັດຂຶ້ນພາຍຫຼັງ 4 ມື້, ນະຄອນໜານກິ່ງຈະສາມາດຈັດງານມະຫາກຳດ້ານກິລາ, ງານມະຫາກໍາດ້ານວັດທະນະທໍາ ແລະງານມະຫາກໍາຂອງຊາວໜຸ່ມທີ່ຈົບງາມ ແລະລືມຍາກ.
ງານມະຫາກຳກິລາໂອລິມປິກຊາວໜຸ່ມແມ່ນລິເລີ່ມໂດຍທ່ານຢາກຄ໌ ໂກເກີ, ອະດີດປະທານຄະນະກໍາມະການໂອລິມປິກສາກົນ ເຊິ່ງມີຈຸດປະສົງເພື່ອແຜ່ຂະຫຍາຍອິດມິພົນຂອງຈິດໃຈໂອລິມປິກຢູ່ຊາວໜຸ່ມ, ນັກກິລາທີ່ເຂົ້າຮ່ວມງານມະຫາກຳກິລາໂອລິມປິກຊາວໜຸ່ມມີອາຍຸ 15 ຫາ 18 ປີ.