ວັນທີ 13 ສິງຫານີ້, ທ່ານໂທມັສ ບາຣ໌ ປະທານຄະນະກຳມະການໂອລິມປິກສາກົນໄດ້ເດີນທາງໄປເຖິງນະຄອນນານກິ່ງຂອງຈີນດ້ວຍເຮືອບິນ,ເພື່ອຈະເຂົ້າຮ່ວມງານມະຫາກຳກິລາໂອລິມປິກຊາວໜຸ່ມລະດູຮ້ອນຄັ້ງທີສອງທີ່ຈະຈັດຂຶ້ນໃນວັນທີ 16 ສິງຫານີ້ຢູ່ນະຄອນນານກິ່ງ.
ໃນເວລາໃຫ້ສຳພາດຕໍ່ນັກຂ່າວ, ທ່ານບາຣ໌ ກ່າວວ່າ, ເວທີຂອງງານມະຫາກຳກິລາໂອລິມປິກຊາວໜຸ່ມໄດ້ສ້າງຂຶ້ນຮຽບຮ້ອຍແລ້ວ, ຫວັງວ່ານັກກິລາຊາວໜຸ່ມທີ່ມາຈາກແຫ່ງຕ່າງໆໃນທົ່ວໂລກຈະສາມາດຜູກມິດໃຫ້ມີໝູ່ເພື່ອນຢ່າງຫຼວງຫຼາຍຢູ່ນານກິ່ງແລະປະກອບສ່ວນຂອງຕົນເຂົ້າໃນການເຜີຍແຜ່ຈິດໃຈໂອລິມປິກ.
ຕາມໄດ້ຊາບວ່າ, ທ່ານບາຣ໌ຈະເຂົ້າຮ່ວມພິທີເປີດງານມະຫາກຳກິລາໂອລິມປິກຊາວໜຸ່ມທີ່ຈະຈັດຂຶ້ນໃນຕອນຄ່ຳວັນທີ 16 ສິງຫານີ້ຢູ່ສະໜາມກິລາສູນໂອລິມປິກນານກິ່ງ ແລະຈະເຂົ້າຊົມງານມະຫາກຳກິລາໂອລິມປິກຊາວໜຸ່ມຕະຫຼອດໄລຍະການຈັດງານ.