ຕອນເຊົ້າວັນທີ 16 ສິງຫານີ້, ຢູ່ນະຄອນນານກິ່ງ, ທ່ານສີຈິ້ນຜິງ ປະທານປະເທດຈີນໄດ້ພົບປະທ່ານຕັນເຄງຢຳ ປະທານາທິບໍດີສິງກະໂປ, ທ່ານສີຈິ້ນຜິງໄດ້ສະແດງຄວາມຍິນດີຕ້ອນຮັບຢ່າງອົບອຸ່ນຕໍ່ທ່ານຕັນເຄງຢຳທີ່ໄດ້ມາເຂົ້າຮ່ວມງານມະຫະກຳກິລາໂອລິມປິກຊາວໜຸ່ມນານກິ່ງເປັນສະເພາະ. ທ່ານຕັນເຄງຢຳກ່າວວ່າ, ເຊື່ອວ່າ ພາຍໃຕ້ການເປັນເຈົ້າພາບຂອງຈີນ, ງານມະຫະກຳກິລາໂອລິມປິກຊາວໜຸ່ມນານກິ່ງຍອມຈະໄດ້ຮັບຜົນສຳເລັດຢ່າງຈົບງາມ.
ທ່ານສີຈິ້ນຜິງກ່າວເນັ້ນວ່າ, ຈີນເອົາໃຈໃສ່ໃນລະດັບສູງຕໍ່ການຂະຫຍາຍການພົວພັນຄູ່ຍຸດທະສາດກັບອາຊຽນ, ຖືອາຊຽນເປັນທິດພັດທະນາບູລິມະສິດໃນນະໂຍບາຍການຕ່າງປະເທດອ້ອມຂ້າງຂອງຈີນ, ສະໜັບສະໜູນໃຫ້ອາຊຽນເຕີບໃຫຍ່ຂະຫຍາຍຕົວ, ສະໜັບສະໜູນການສ້າງສາປະຊາຄົມອາຊຽນ, ສະໜັບສະໜູນອາຊຽນເສີມຂະຫຍາຍບົດບາດນຳພາໃນການຮ່ວມມືພາກພື້ນ. ຫວັງໃຫ້ສິງກະໂປເສີມຂະຫຍາຍບົດບາດສ້າງສາໃນການຂະຫຍາຍການພົວພັນຈີນ-ອາຊຽນ.
ທ່ານຕັນເຄງຢຳກ່າວວ່າ, ສິງກະໂປຍິນດີສືບຕໍ່ຕັ້ງໜ້າຊຸກຍູ້ຄວາມໄວ້ເນື້ອເຊື່ອໃຈແລະການຮ່ວມມືລະຫວ່າງອາຊຽນກັບຈີນ, ເພື່ອມີການປະກອບສ່ວນຫຼາຍກວ່າເກົ່າໃນການຊຸກຍູ້ສັນຕິພາບ, ສະເຖຍລະພາບແລະຄວາມຈະເລີນຮຸ່ງເຮືອງຂອງພາກພື້ນ.
 |
