ນັກກິລາຂອງອຽກລັງສະແດງຄວາມຍ້ອງຍໍຕໍ່ສະພາບແວດລ້ອມດ້ານການດຳລົງຊີວິດຢູ່ບ້ານໂອລິມປິກຊາວໜຸ່ມຂອງຈີນ
2014-08-18 15:32:49 cri
ການບໍລິການພະລາທິການທີ່ສຸຂຸມຮອບຄອບ, ອາຫານຂອງປະເທດຕ່າງໆບວກກັບກິດຈະກຳແລກປ່ຽນຊະນິດຕ່າງໆ, ເຮັດໃຫ້ນັກກິລາແລະຜູ້ແທນເຈົ້າໜ້າທີ່ທີ່ມາຈາກປະເທດຕ່າງໆຂອງໂລກຮູ້ສຶກວ່າຊີວິດການເປັນຢູ່ຢູ່ໃນບ້ານໂອລິມປິກຊາວໜຸ່ມຂອງຈີນອຸດົມສົມບູນຫຼາຍ. ນາງໂອລີເວຍ ເມີຮາຟ໌ເຟ, ນັກກິລາພ້ອມດ້ວຍທ່ານເດວິດ ເຄວເນ, ເຈົ້າໜ້າທີ່ທ່ານໜຶ່ງຂອງຄະນະອຽກລັງບອກໃຫ້ນັກຂ່າວຮູ້ວ່າ: "ພວກເຮົາມາຈີນເທື່ອນີ້ເປັນເທື່ອທຳອິດ. ນັບແຕ່ມື້ພິທີໄຂເປັນຕົ້ນມາ, ພວກເຮົາກໍ່ໄດ້ສຳຜັດແລະຮູ້ເຫັນເຖິງມິດຕະພາບຂອງຈີນ, ການກິນຢູ່ແລະພື້ນຖານໂຄງລ່າງຄົບຊຸດຢູ່ໃນບ້ານນັກກິລາດີຫຼາຍ, ກໍ່ໄດ້ມີການຈັດກິດຈະກຳແລກປ່ຽນຕ່າງໆໃຫ້ແກ່ພວກເຮົາ, ພວກເຮົາຮູ້ສຶກດີໃຈຫຼາຍທີ່ໄດ້ແລກປ່ຽນກັນແລະຊົມໃຊ້ຊີວິດການເປັນຢູ່ທີ່ອຸດົມສົມບູນຢູ່ທີ່ນີ້."