ງານມະຫາກໍາກິລາໂອລີມປິກຊາວໜຸ່ມລະດູຮ້ອນຄັ້ງທີ 2 ປີ 2014 ກໍາລັງຈັດຂຶ້ນຢູ່ນະຄອນນານກິ່ງຂອງຈີນ, ວັນທີ 17 ສິງຫານີ້, ການແຂ່ງຂັນກິລາເຕັກກວນໂດ ໄດ້ຈັດຂຶ້ນຢູ່ສູນວາງສະແດງສາກົນນານກິ່ງ, ນາງສາວພານິພັກ ວົງພັດທະນາກິດ, ນັກກິລາທີ່ມາຈາກໄທໄດ້ເອົາຊະນະນັກກິລາທີ່ມາຈາກອາເຊັກໄບຊັງ ແລະໄດ້ແຊມປຽນຂອງການແຂ່ງຂັນກິລາເຕກວນໂດຍິງລະດັບ 44 ກິໂລລົງລຸ່ມ, ນີ້ແມ່ນຫຼຽນຄໍາຫຼຽນທໍາອິດຂອງການແຂ່ງຂັນກິລາເຕັກກວນໂດໃນງານມະຫາກໍາກິລາຄັ້ງນີ້ ທັງເປັນຫຼຽນຄໍາຫຼຽນທໍາອິດທີ່ທີມກິລາໄທໄດ້ຮັບໃນງານມະຫາກໍາກິລາຄັ້ງນີ້.
ນາງສາວພານິພັກ ວົງພັດທະນາກິດໃຫ້ສໍາພາດຕໍ່ນັກຂ່າວພາຍຫຼັງການແຂ່ງຂັນວ່າ, ນີ້ແມ່ນຫຼຽນຄໍາຫຼຽນທໍາອິດທີ່ທີມກິລາໄທໄດ້ຮັບໃນງານມະຫາກໍາກິລາ ໂອລີມປິກຊາວໜຸ່ມຄັ້ງນີ້, ນອກຈາກຕ້ອງຂອບໃຈຄູຝຶກແລ້ວ, ຍັງຕ້ອງຂອບໃຈຜູ້ຊົມທຸກໆທ່ານທີ່ໄດ້ໃຫ້ກໍາລັງໃຈແກ່ຕົນເອງ ເພາະວ່າມີຜູ້ຊົມຫຼາຍຄົນຂອງໄທແລະຈີນໄດ້ໃຫ້ກໍາລັງໃຈແກ່ຕົນເອງໃນຂະນະທີ່ແຂ່ງຂັນ.
