ບ້ານວັດທະນະທຳໂລກຢູ່ໃນບ້ານໂອລິມປິກຊາວໜຸ່ມ
ຕາມຂ່າວ CRI ລາຍງານວ່າ, ງານມະຫາກຳກິລາໂອລິມປິກຊາວໜຸ່ມແມ່ນລິເລີ່ມສ້າງຕັ້ງຂຶ້ນໂດຍທ່ານຊັກເກວ ໂຣເກ ອະດີດປະທານຄະນະກຳມະການໂອລິມປິກສາກົນ, ເຊິ່ງມີຈຸດປະສົງເພື່ອເປີດກວ້າງອິດທິພົນຂອງຈິດໃຈໂອລິມປິກຢູ່ໃນໝູ່ຊາວໜຸ່ມ. ນັກກິລາທີ່ເຂົ້າຮ່ວມການແຂ່ງຂັນມີອາຍຸລະຫວ່າງ 15 ຫາ 18 ປີ. ຄະນະກຳມະການໂອລິມປິກຫວັງວ່າງານມະຫາກຳກິລາໂອລິມປິກຊາວໜຸ່ມຈະສາມາດຊຸກຍູ້ຊາວໜຸ່ມແລກປ່ຽນກັນໃນດ້ານກິລາແລະການສຶກສາ, ເຮັດໃຫ້ຈິດໃຈໂອລິມປິກໄດ້ຮັບການເຜີຍແຜ່ຢູ່ໃນໝູ່ຊາວໜຸ່ມເຍົາວະຊົນ. ດ້ວຍເຫດນີ້, ມັນຕ່າງກັນກັບງານມະຫາກຳກິລາໂອລິມປິກ, ງານມະຫາກຳກິລາໂອລິມປິກຊາວໜຸ່ມໄດ້ຮຽກຮ້ອງໃຫ້ນັກກິລານອກຈາກເຂົ້າຮ່ວມການແຂ່ງຂັນແລ້ວ, ຍັງຕ້ອງເຂົ້າຮ່ວມກິດຈະກຳວັດທະນະທຳແລະການສຶກສາປະເພດຕ່າງໆໃນຕະຫຼອດໄລຍະຈັດງານມະຫາກຳກິລາໂອລິມ ປິກຊາວໜຸ່ມ.
ຢູ່ໃນບ້ານໂອລິມປິກຊາວໜຸ່ມນານກິ່ງມີບ້ານວັດທະນະທຳໂລກແຫ່ງໜຶ່ງ, ຢູ່ແຫ່ງນັ້ນ, ບໍ່ພຽງແຕ່ຈະສາມາດສຳຜັດກັບວັດທະນະທຳຂອງປະເທດຕ່າງໆເທົ່ານັ້ນ, ຍັງສາມາດຮ່ວມກັບນັກກິລາຊາວໜຸ່ມຂອງປະເທດອື່ນເຂົ້າຮ່ວມກິດຈະກຳແລກປ່ຽນວັດທະນະທຳຫຼາຍຮູບຫຼາຍແບບ, ພ້ອມທັງສາມາດພັກຜ່ອນຢ່ອນອາລົມພາຍຫຼັງທີ່ໄດ້ເຂົ້າຮ່ວມການແຂງຂັນທີ່ເຄັ່ງຕຶງແລ້ວ. ນັກກິລາທັງຫຼາຍໄດ້ຜ່ອນຄາຍດ້ວຍຄວາມເບີກບານມ່ວນຊື່ນໃນເວລາເຂົ້າຮ່ວມກິດຈະກຳເຫຼົ່ານີ້.
