ຕາມຂ່າວcri: ວັນທີ22 ສິງຫານີ້, ການແຂ່ງຂັນລາຍມວຍຈີນຂອງງານມະຫາກຳກິລາໂອລິມປິກຊາວໜຸ່ມນານກິ່ງໄດ້ຈັດຂຶ້ນຢູ່ຫໍກິລາກ່າວຊຸນຂອງນານກິ່ງ, ທ່ານໂຕມາສ ບາຮ໌ໄດ້ມອບລາງວັນໃຫ້ນັກກິລາມວຍຍາວມາເລເຊຍເຊິ່ງເປັນນັກກິລາທີ່ໄດ້ຮັບຫຼຽນຄຳຫຼຽນທຳອິດຂອງການແຂ່ງຂັນລາຍມວຍຈີນ. ໃນເວລາຕອບຄຳຖາມກ່ຽວກັບລາຍມວຍຈີນເຂົ້າເປັນລາຍການແຂ່ງຂັນທາງການຂອງງານກິລາໂອລິມປິກ, ທ່ານບາຮ໌ກ່າວວ່າຈະຄົ້ນຄວ້າວຽກງານທີ່ລາຍມວຍຈີນເຂົ້າງານກິລາໂອລິມປິກ.
ທ່ານຮົ້ວເຈິ້ນທິງ ປະທານຄະນະກຳມະການໂອລິມປິກຮົງກົງກ່າວວ່າ, ຖ້າລາຍມວຍຈີນຢາກເຂົ້າເປັນລາຍການແຂ່ງຂັນໃນງານກິລາໂອລິມປິກ, ຍັງຕ້ອງເຮັດວຽກງານຫຼາຍຢ່າງ. ຖ້າຢາກໃຫ້ລາຍການກິລານີ້ທີ່ເລີ່ມຈາກຈີນກາຍເປັນລາຍການກິລາທົ່ວໂລກ, ການເຜີຍແຜ່ສູ່ຕ່າງປະເທດແມ່ນສຳຄັນທີ່ສຸດ.