ກອງປະຊຸມລັດຖະມົນຕີການທ່ອງທ່ຽວ APEC ຄັ້ງທີ 8 ຈະຈັດຂຶ້ນຢູ່ມາກາວໃນວັນທີ 13 ກັນຍາໜ້ານີ້

ກົມທ່ອງທ່ຽວແຫ່ງຊາດຈີນປະກາດໃນວັນທີ 26 ສິງຫານີ້ວ່າ ໂດຍໄດ້ຮັບການອະນຸມັດຈາກລັດຖະບານຈີນ, ກອງປະຊຸມລັດຖະມົນຕີການທ່ອງທ່ຽວ APEC ຄັ້ງທີ 8 ຈະຈັດຂຶ້ນ ໃນວັນທີ 13 ກັນຍາໜ້ານີ້ ຢູ່ຫໍກິລາງານມະຫາກຳກິລາອາຊີຕາເວັນອອກຂອງມາກາວ.

ຕາມຂ່າວແຈ້ງວ່າ, ກອງປະຊຸມໃນຄັ້ງນີ້ມີຫົວຂໍ້ຫຼັກວ່າ "ສ້າງອະນາຄົດໃໝ່ເພື່ອການຮ່ວມມືແລະການພັດທະນາການທ່ອງທ່ຽວອາຊີປາຊີຟິກ", ເຊິ່ງຈະປຶກສາຫາລື 5 ຫົວຂໍ້ນ້ອຍຄື ຊຸກຍູ້ຕະຫຼາດການທ່ອງທ່ຽວພາກພື້ນອາຊີປາຊີຟິກເຊື່ອມໂຍງເຂົ້າເປັນອັນໜຶ່ງອັນດຽວ; ສົ່ງເສີມການທ່ອງທ່ຽວໃຫ້ຂະຫຍາຍຕົວໂດຍເຊື່ອມໂຍງເຂົ້າກັບຂະແໜງການອື່ນໆ, ຊຸກຍູ້ຂະແໜງການທ່ອງທ່ຽວໃຫ້ຫັນປ່ຽນຮູບແບບແລະມີການເຕີບໂຕ; ນຳໃຊ້ວິທະຍາສາດເຕັກໂນໂລຊີທີ່ທັນສະໄໝສົ່ງເສີມການທ່ອງທ່ຽວອັດສະລິຍະ; ເພີ່ມທະວີການຮ່ວມມືດ້ານການທ່ອງທ່ຽວຂອງ APEC, ຊຸກຍູ້ການເຊື່ອມຈອດກັນດ້ານການທ່ອງທ່ຽວໃນພາກພື້ນອາຊີປາຊີຟິກ; ຊຸກຍູ້ການຮ່ວມມືດ້ານການພັດທະນາແບບກາບອນຕ່ຳຂອງຂະແໜງການທ່ອງທ່ຽວໃນພາກພື້ນອາຊີປາຊີຟິກ. ກອງປະຊຸມຍັງຈະອອກຖະແຫຼງການມາກາວ ເຊິ່ງຈະເຜີຍແຜ່ໃຫ້ເຫັນໝາກຜົນຂອງກອງປະຊຸມໃນຄັ້ງນີ້.