ວັນທີ 26 ສິງຫານີ້, ທ່ານບາຣັກ ໂອບາມາ, ປະທານາທິບໍດີອາເມລິກາກ່າວວ່າ, ການກຳຈັດກຸ່ມປະກອບອາວຸດໃຊ້ຄວາມຮຸນແຮງທີ່ຄ້າຍຄືກັນກັບ "ປະເທດອິສລາມອີຣັກແລະເລວານທ໌"ຫຼື ISIS ແບບນີ້ບໍ່ແມ່ນເລື່ອງງ່າຍດາຍ, ແລະຍາກທີ່ຈະໄດ້ຮັບຜົນສຳເລັດພາຍໃນເວລາສັ້ນ.
ທ່ານບາຣັກ ໂອບາມາໄດ້ໃຫ້ທັດສະນະດັ່ງກ່າວໃນກອງປະຊຸມປະຈຳປີຂອງສະມາຄົມນັກຮົບເກົ່າຂອງອາເມລິກາທີ່ຈັດຂຶ້ນຢູ່ຄາໂລດເຕີລັດຄາໂຣລີນາເໜືອຂອງອາເມລິກາ. ທ່ານກ່າວວ່າ: "ການກຳຈັດຝີທີ່ມີພິດຮ້າຍທີ່ຄ້າຍຄືກັນກັບປະເທດອິສລາມອີຣັກແລະເລວານທ໌ແບບນີ້ຢ່າງຮອບດ້ານບໍ່ແມ່ນເລື່ອງງ່າຍ, ເຊິ່ງຈະບໍ່ສາມາດສຳເລັດໄດ້ໃນເວລາສັ້ນ." ທ່ານບາຣັກ ໂອບາມາໄດ້ກ່າວຢ້ຳວ່າຈະບໍ່ສົ່ງກອງທະຫານສູ້ຮົບໄປອີຣັກ, ຈະບໍ່ເຮັດໃຫ້ອາເມລິກາຖືກແກ່ດຶງເຂົ້າໃນສົງຄາມຢູ່ເທິງໜ້າດິນອີກຮອບໃໝ່ໃນອີຣັກ. ທ່ານກ່າວວ່າ, ອາເມລິກາພວມໃຊ້ຄວາມພະຍາຍາມເຂົ້າໃນການສ້າງພັນທະມິດສາກົນເພື່ອຊ່ວຍເຫຼືອອີຣັກໂຈມຕີ "ປະເທດອິສລາມອີຣັກແລະເລວານທ໌".
 |
