ຕອນບ່າຍວັນທີ 1 ກັນຍານີ້ ກິດຈະກຳສັບປະດາແລກປ່ຽນການສຶກສາຈີນ-ອາຊຽນຄັ້ງທີ 7 ທີ່ມີຫົວຂໍ້ວ່າ "ປະເທດບ້ານໃກ້ເຮືອນຄຽງທີ່ມີໄມຕີຈິດມິດຕະພາບນັ້ນເກາະແຂນກັນ, ການສຶກສາສ້າງຜົນປະໂຫຍດແກ່ປະຊາຊົນ" ໄດ້ຈັດຂຶ້ນຢູ່ສູນປະຊຸມສາກົນຊີວະພາບນະຄອນກຸ້ຍຢາງປະເທດຈີນ.
ນອກຈາກກິດຈະກຳປະຈຳຕ່າງໆເຊັ່ນ ເວທີປຶກສາຫາລືຂອງອະທິການບໍດີ, ງານວາງສະແດງໝາກຜົນແຫ່ງການສຶກສາເປັນຕົ້ນແລ້ວ, ໃນກິດຈະກຳສັບປະດາແລກປ່ຽນການສຶກສາຄັ້ງນີ້ ຍັງຈະມີກິດຈະກຳອີກ 20 ກວ່າຊະນິດ ເຊັ່ນ: ການສົນທະນາລະຫວ່າງເຈົ້າໜ້າທີ່ອາວຸໂສ, ການສົນທະນາກ່ຽວກັບນະໂຍບາຍແຫ່ງການຮ່ວມມືໃນດ້ານການສຶກສາຈີນ-ອາຊຽນ, ການແຂ່ງຂັນຟັງແລ້ວຂຽນພາສາຈີນຂອງນັກສຶກສາອາຊຽນທີ່ມາຮຽນຢູ່ຈີນ, ງານກິລາຫຼິ້ນມ່ວນຊື່ນຂອງນັກສຶກສາຈີນ-ອາຊຽນ ແລະອື່ນໆ ໂດຍຈະແຍກອອກຈັດຂຶ້ນຢູ່ນະຄອນກຸ້ຍຢາງ, ນະຄອນຈູ່ນຢີ້ ແລະແຫ່ງອື່ນໆຢູ່ພາກໃຕ້ຂອງແຂວງກຸ້ຍໂຈ່ວ.
ນັບແຕ່ປີ 2008 ເປັນຕົ້ນມາ, ກະຊວງການຕ່າງປະເທດຈີນ, ກະຊວງສຶກສາທິການຈີນ ແລະອຳນາດການປົກຄອງປະຊາຊົນແຂວງກຸ້ຍໂຈ່ວ ໄດ້ຈັດກິດຈະກຳສັບປະດາແລກປ່ຽນການສຶກສາຈີນ-ອາຊຽນ 6 ຄັ້ງຢູ່ນະຄອນກຸ້ຍໂຈ່ວຢ່າງສຳເລັດຜົນມາແລ້ວ, ມະຫາວິທະຍາໄລແລະສະຖາບັນການສຶກສາຂັ້ນສູງຂອງແຂວງກຸ້ຍໂຈ່ວ ໄດ້ສ້າງການພົວພັນຮ່ວມມືທີ່ດີງາມກັບປະເທດອາຊຽນ, ສອງຝ່າຍໄດ້ສົ່ງນັກສຶກສາໄປໂຮງຮຽນທີ່ກ່ຽວຂ້ອງເພື່ອຮ່ຳຮຽນແລະແລກປ່ຽນກັນໃນຈຳນວນ 800 ກວ່າເທື່ອຄົນ, ນັກສຶກສາຂອງປະເທດອາຊຽນທີ່ມາຮຽນຢູ່ຈີນກໍໄດ້ຫຼາຍກວ່າ 6 ໝື່ນຄົນ, ນັກສຶກສາຈີນທີ່ໄປຮຽນຢູ່ປະເທດອາຊຽນກໍໄດ້ຫຼາຍກວ່າ 1 ແສນ 1 ໝື່ນຄົນ. ມາຮອດປັດຈຸບັນ, ກິດຈະກຳສັບປະດາແລກປ່ຽນດັ່ງກ່າວນີ້ ໄດ້ດຶງດູດຜູ້ຮ່ວມຈາກປະເທດຈີນແລະປະເທດອາຊຽນເປັນຈຳນວນ 3700 ກວ່າຄົນ, ສ່ວນໂຮງຮຽນແລະສະຖາບັນການສຶກສາທີ່ມາຮ່ວມ ກໍຫຼາຍກວ່າ 800 ແຫ່ງ, ໃນກິດຈະກຳສັບປະດາແລກປ່ຽນ ຍັງໄດ້ເຊັນສັນຍາຫຼືບົດບັນທຶກຄວາມເຂົ້າໃຈດ້ານການສຶກສາ 371 ສະບັບ. ສະຫຼຸບແລ້ວ ກິດຈະກຳສັບປະດາດັ່ງກ່າວ ໄດ້ປະກອບສ່ວນຢ່າງຕັ້ງໜ້າເພື່ອຊຸກຍູ້ຈີນແລະອາຊຽນໃຫ້ສ້າງການພົວພັນຄູ່ຮ່ວມຍຸດທະຍາສາດ
 |
