ທ່ານສີຈິ້ນຜິງ ປະທານປະເທດຈີນໄດ້ເດີນທາງໄປເຖິງນະຄອນຫຼວງໂກລົມໂບຂອງສີລັງກາໃນວັນທີ16ກັນຍານີ້ເພື່ອເລີ່ມດຳເນີນການຢ້ຽມຢາມປະເທດນີ້ທາງລັດຖະກິດ. ທ່ານມາຮິນດາ ຣາຈາປັກເຊ ປະທານາທິບໍດີສີລັງກາໄດ້ຈັດພິທີຕ້ອນຮັບຢ່າງສົມກຽດໃຫ້ແກ່ທ່ານສີຈິ້ນຜິງຢູ່ທີ່ສະໜາມບິນ.
ທ່ານສີຈິ້ນຜິງຊີ້ໃຫ້ເຫັນວ່າ, ມື້ນີ້, ເມື່ອຂ້າພະເຈົ້າກ້າວເຂົ້າສູ່ດິນແດນທີ່ສວຍງາມຂອງສີລັງກາ, ຂ້າພະເຈົ້າພ້ອມຄະນະກໍໄດ້ຮັບການຕ້ອນຮັບຢ່າງອົບອຸ່ນຈາກປະທານາທິບໍດີສີລັງກາພ້ອມພັນລະຍາແລະປະຊາຊົນສີລັງກາ, ທ່າມກາງບັນຍາກາດອັນອົບອຸ່ນທີ່ເຕັມໄປດ້ວຍໄມຕີຈິດມິດຕະພາບລະຫວ່າງຈີນກັບສີລັງກາ, ຂ້າພະເຈົ້າຮູ້ສຶກຕື້ນຕັນໃຈຫຼາຍ. ການໄປມາຫາສູ່ກັນດ້ວຍໄມຕີຈິດມິດຕະພາບລະຫວ່າງຈີນກັບສີລັງກາມີປະຫວັດທີ່ຍາວນານ, ສອງປະເທດເປັນອ້າຍນ້ອງທີ່ດີທີ່ໄດ້ຜ່ານຜ່າຄວາມຫຍຸ້ງຍາກຮ່ວມກັນ, ເປັນຄູ່ຮ່ວມທີ່ດີເພື່ອສະແຫວງຫາການພັດທະນາ, ເປັນໝູ່ເພື່ອນທີ່ດີທີ່ສະໜິດສະໜົມແລະຮັກແພງກັນ. ໃນປັດຈຸບັນ, ຈີນແລະສີລັງກາຊ່ວຍເຫຼືອເຊິ່ງກັນແລະກັນດ້ວຍຄວາມຈິງໃຈ,ສາຍພົວພັນຄູ່ຮ່ວມມືຍຸດທະສາດທີ່ມີໄມຕີຈິດມິດຕະພາບມາຫຼາຍເຊັ່ນຄົນກຳລັງຢູ່ໃນຈຸດເລີ່ມຕົ້ນໃໝ່, ແລະກຳລັງປະເຊີນກັບໂອກາດພັດທະນາຢ່າງກວ້າງຂວາງ. ຫວັງວ່າການຢ້ຽມຢາມໃນຄັ້ງນີ້ຈະສົ່ງເສີມມິດຕະພາບອັນເລິກເຊິ່ງລະຫວ່າງປະຊາຊົນສອງຊາດ, ເຮັດໃຫ້ກຳປັ່ນແຫ່ງມິດຕະພາບຈີນ-ສີລັງກາກ້າວເດີນໄປໄກຢ່າງອະດວກບົນເສັ້ນທາງສາຍໄໝທາງທະເລສະຕະວັດທີ 21.