ຕາມຂ່າວ CRI, ງານວາງສະແດງສິນຄ້າຈີນ-ອາຊຽນຄັ້ງທີ 11 ແລະກອງປະຊຸມສຸດຍອດວ່າດ້ວຍການຄ້າແລະການລົງທຶນຈີນ-ອາຊຽນຄັ້ງທີ 11 ໄດ້ໄຂຂຶ້ນໃນວັນທີ 16 ກັນຍານີ້ຢູ່ນະຄອນນານນິງ ເຂດປົກຄອງຕົນເອງເຜົ່າຈ້ວງກວາງຊີຂອງຈີນ. ທ່ານລີຈີລຽງ ລັດຖະມົນຕີຊ່ວຍວ່າການກະຊວງການຄ້າແລະອຸດສາຫະກຳມາເລເຊຍໄດ້ເຂົ້າຮ່ວມພິທີເປີດງານໃນວັນດຽວກັນ. ຕາມໄດ້ຊາບວ່າ, ກົມການຄ້າຕໍ່ຕ່າງປະເທດແລະການພັດທະນາມາເລເຊຍໄດ້ນຳພາວິສາຫະກິດ 126 ແຫ່ງເດີນທາງມາເຂົ້າຮ່ວມງານວາງສະແດງໃນຄັ້ງນີ້.
ທ່ານຊູເຣສ ຄູມາ ກົງສຸນການຄ້າສະຖານກົງສຸນໃຫຍ່ມາເລເຊຍປະຈຳກວາງໂຈ່ວຈີນໄດ້ບອກນັກຂ່າວວ່າ, ວິສາຫະກິດທີ່ເຂົ້າຮ່ວມງານວາງສະແດງໃນຄັ້ງນີ້ກ່ຽວພັນກັບຂົງເຂດອາຫານ, ການບໍລິການ, ທຸລະກິດທີ່ໄດ້ຮັບອະນຸຍາດພິເສດແລະອື່ນໆ. ທ່ານຄູມາຍັງໃຫ້ຮູ້ອີກວ່າ, ນອກຈາກອາຫານແລ້ວ, ນັກວິສາຫະກິດຂະແໜງການບໍລິການຂອງມາເລເຊຍກໍໄດ້ເຂົ້າຮ່ວມງານວາງສະແດງໃນຄັ້ງນີ້ຢ່າງຫ້າວຫັນ, ເຂົາເຈົ້າຫວັງວ່າຈະສາມາດຊອກໂອກາດການຄ້າຢູ່ຈີນໃຫ້ຫຼາຍຂຶ້ນກວ່າເກົ່າໄດ້. ທ່ານຄູມາເຊື່ອໝັ້ນວ່າຄະນະຜູ້ແທນມາເລເຊຍທີ່ເຂົ້າຮ່ວມງານວາງສະແດງໃນຄັ້ງນີ້ຍ່ອມຈະໄດ້ຮັບໝາກຜົນຢ່າງຫຼວງຫຼາຍແນ່ນອນ.
 |
