ຕາມຂ່າວCRI: ເພື່ອຊຸກຍູ້ການຮ່ວມມືລະຫວ່າງຈີນກັບປະເທດອາຊຽນໃນຂົງເຂດພື້ນຖານໂຄງລ່າງຕື່ມອີກ, ເວທີປຶກສາຫາລືການຮ່ວມມືດ້ານພື້ນຖານໂຄງລ່າງລະຫວ່າງຈີນ-ອາຊຽນໄດ້ຈັດຂຶ້ນຢູ່ໃນສູນປະຊຸມແລະວາງສະແດງຂອງນະຄອນນານນິງເຂດປົກຄອງຕົນເອງເຜົ່າຈ້ວງກວາງຊີຂອງຈີນໃນວັນທີ 16 ກັນຍານີ້.
ຜູ້ນຳແລະຜູ້ຕາງໜ້າຂອງກະຊວງການຄ້າຈີນ, ສະມາຄົມຜູ້ຮັບເໝົາກໍ່ສ້າງແລະວິສາຫະກິດທີ່ກ່ຽວຂ້ອງກໍ່ຄືແຂກຜູ້ມີກຽດຂອງອົງການທີ່ກ່ຽວຂ້ອງຂອງປະເທດອາຊຽນໄດ້ດຳເນີນການຄົ້ນຄວ້າປຶກສາຫາລືກ່ຽວກັບການຮ່ວມມືລະຫວ່າງຈີນກັບອາຊຽນໃນການດຳເນີນການຮ່ວມມືດ້ານພື້ນຖານໂຄງລ່າງ, ການຊຸກຍູ້ການຮ່ວມມືໃນດ້ານການທະນາຄານ, ວິສະວະກຳແລະອື່ນໆພາຍໃຕ້ສະຖານະການໃໝ່.
ຕາມຂ່າວແຈ້ງວ່າ, ມາຮອດທ້າຍເດືອນມິຖຸນາຂອງປີ 2014, ວິສາຫະກິດຂອງຈີນໄດ້ເຊັນສັນຍາວ່າດ້ວຍການຮັບເໝົາກໍ່ສ້າງໂຄງການກັບປະເທດອາຊຽນໄລ່ລວມມີມູນຄ່າຫຼາຍກວ່າ 180 ຕື້ໂດລາ, ໄດ້ສຳເລັດມູນຄ່າທຸລະກິດຫຼາຍກວ່າ 125 ຕື້ໂດລາ.
