ຕາມຂ່າວ CRI, ພິທີເຊັນສັນຍາກ່ຽວກັບໂຄງການຮ່ວມມືເສດ ຖະກິດສາກົນຂອງງານວາງສະແດງສິນຄ້າຈີນ-ອາຊຽນຄັ້ງທີ 11 ໄດ້ຈັດຂຶ້ນໃນວັນທີ 17 ກັນຍານີ້ທີ່ນະຄອນນານນິງເຂດປົກຄອງຕົນເອງເຜົ່າຈ້ວງກວາງຊີຈີນ.
ພິທີເຊັນສັນຍາໃນເທື່ອນີ້ໄດ້ໂຮມສູນລົງນາມໃນສັນຍາໂຄງການຮ່ວມມືເສດຖະກິດສາກົນລວມທັງໝົດ 72 ໂຄງການ, ເຊິ່ງໂຄງການເຫຼົ່ານີ້ໄດ້ກ່ຽວພັນເຖິງປະເທດສະມາຊິກອາຊຽນ, ອາເມຣິກາ, ການາດາ, ໂຮນລັງ, ດານມາກ, ນອກນີ້,ຍັງມີຮົງກົງ, ມາກາວແລະໄຕ້ຫວັນຂອງຈີນ. ໃນນັ້ນ, ໂຄງການການລົງທຶນແລະຮ່ວມມືກັບຕ່າງປະເທດຂອງວິສາຫະກິດຈີນທີ່ລົງທຶນແລະຮັບເໝົາໂຄງການຕໍ່ຕ່າງປະເທດມີ 14 ໂຄງການ, ຈີນນຳໃຊ້ທຶນຕ່າງປະເທດ 58 ໂຄງການ. ຈີນກັບບັນດາປະເທດສະມາຊິກອາຊຽນໄດ້ເຊັນສັນຍາໂຄງການຮ່ວມມື 22 ໂຄງການ, ເຊິ່ງກວມເອົາ 31% ຂອງຍອດຈຳນວນໂຄງການທີ່ໄດ້ເຊັນສັນຍາໃນເທື່ອນີ້. ນອກຈາກເຂດກວາງຊີແລ້ວ, ແຂວງກວາງຕຸ້ງ, ແຂວງຈ່ຽງຊີ,ແຂວງຫູນານແລະແຂວງອື່ນໆຂອງຈີນກໍໄດ້ເຊັນສັນຍາວ່າດ້ວຍການລົງທຶນກັບປະເທດສະມາຊິກອາຊຽນເປັນຕົ້ນແມ່ນໄທ,ມາເລເຊຍ,ມຽນມາແລະຫວຽດນາມ, ຍອດມູນຄ່າການລົງທຶນໄດ້ເພີ່ມຂຶ້ນຢ່າງເດັ່ນຊັດເມື່ອທຽບໃສ່ງານວາງສະແດງຄັ້ງຜ່ານມາ.