ຕອນເຊົ້າຂອງວັນທີ 17 ກັນຍານີ້, ໃນພິທີເຊັນສັນຍາທີ່ຈັດຂຶ້ນເປັນພິເສດໃນງານວາງສະແດງສິນຄ້າຈີນ-ອາຊຽນຄັ້ງທີ 11 ໄດ້ມີການເຊັນ "ບົດບັນທຶກຄວາມເຂົ້າໃຈການຮ່ວມມືດ້ານເສດຖະກິດການຄ້າແລວເສດຖະກິດບຣູໄນ-ກວາງຊີ".
ແລວເສດຖະກິດບຣູໄນ-ກວາງຊີມີຈຸດປະສົງເພື່ອເສີມຂະຫຍາຍທ່າແຮງຂອງບຣູໄນດ້ານການຢືນຢັນຜະລິດຕະພັນມຸສລິມ, ມີທຶນຈຳນວນ ຫຼວງຫຼາຍ ແລະ ຕິດຕໍ່ກັບຕະຫຼາດມຸສລິມອັນໄພສານ, ພ້ອມທັງທ່າແຮງຂອງເຂດກວາງຊີຈີນດ້ານຊັບພະຍາກອນທຳມະຊາດທີ່ອຸດົມສົມບູນ ແລະແຮງງານຄົນທີ່ມີຈຳນວນຫຼວງຫຼາຍ, ມີເຕັກນິກທັນສະໄໝດ້ານການຄົ້ນຄວ້າຜະລິດ ແລະສີມືເກັ່ງ, ສອງຝ່າຍຈະດຳເນີນການຮ່ວມມືຢ່າງຮອບດ້ານໃນຂົງເຂດຕ່າງໆ, ເຊັ່ນ: ກະສິກຳ, ອຸດສາຫະກຳ, ການຈໍລະຈອນສິນຄ້າ, ການປຸງແຕ່ງອາຫານມຸສລິມ, ການປິ່ນປົວແລະຮັກສາສຸຂະພາບ, ການຜະລິດຢາ, ຢາຊີວະພາບ ແລະ ການທ່ອງທ່ຽວ.
