ວັນທີ 17 ກັນຍານີ້, ງານວາງສະແດງສິນຄ້າຈີນ-ອາຊຽນຄັ້ງທີ 11 ແລະງານສົ່ງເສີມການລົງທຶນມາເລເຊຍໄດ້ຈັດຂຶ້ນຢູ່ນະຄອນນານນິງຈີນ. ມາເລເຊຍຫວັງວ່າ ຈີນຈະເພີ່ມທະວີການລົງທຶນຕໍ່ເຂດເສດຖະກິດແລະຂະແໜງການທີ່ສໍາຄັນຂອງມາເລເຊຍ.
ທ່ານອາມາດ ເກຣູດິນ, ຫົວໜ້າກົມພັດທະນາການລົງທຶນມາເລເຊຍກ່າວວ່າ, ການຮ່ວມມືດ້ານການຄ້າລະຫວ່າງຈີນກັບມາເລເຊຍກໍາລັງລົງເລິກຢ່າງບໍ່ຢຸດຢັ້ງ, ຫວັງວ່າ ຜ່ານງານວາງສະແດງສິນຄ້າຈີນ-ອາຊຽນ, ຈະມີວິສາຫະກິດຈີນໄປລົງທຶນຢູ່ມາເລເຊຍໃຫ້ຫຼາຍກວ່າເກົ່າ. ຝ່າຍມາເລເຊຍຈະສະໜອງພື້ນຖານໂຄງລ່າງທີ່ຄົບຖ້ວນ, ສະພາບແວດລ້ອມດ້ານການຄ້າທີ່ເປີດປະຕູສູ່ພາຍນອກ, ການຫຼຸດຜ່ອນ ແລະການຍົກເວັ້ນພາສີ ແລະນະໂຍບາຍບູລິມະສິດອື່ນໆແກ່ວິສາຫະກິດຈີນທີ່ໄປລົງທຶນຢູ່ມາເລເຊຍ ເພື່ອດຶງດູດເຕັກນິກແລະການລົງທຶນຈາກຈີນໃຫ້ຫຼາຍຍິ່ງຂຶ້ນ ບົນພື້ນຖານການຮ່ວມມືທີ່ໄດ້ມີມາແລ້ວ.
