ຕອນຄ່ຳວັນທີ 29 ກັນຍານີ້, ສະຖານທູດຈີນປະຈຳໄທໄດ້ຈັດງານລ້ຽງຢູ່ບາງກອກ, ເພື່ອສະເຫຼີມສະຫຼອງການສ້າງຕັ້ງສາທາລະນະລັດປະຊາຊົນຈີນຄົບຮອບ 65 ປີຢ່າງຄຶກຄື້ນ.
ທ່ານນີ້ງຟູ້ຂຸຍ, ເອກອັກຄະລັດຖະທູດຈີນປະຈຳໄທໄດ້ຕີລາຄາສູງຕໍ່ການພົວພັນຮ່ວມມືມິດຕະພາບໄລຍະຍາວລະຫວ່າງຈີນກັບໄທໃນເວລາກ່າວຄຳປາໄສ.
ທ່ານນີ້ງຟູ້ຂຸຍກ່າວວ່າ, ລັດຖະບານໄທຊຸດໃໝ່ຫາກໍ່ສ້າງຕັ້ງຂຶ້ນ, ລັດຖະບານຈີນເອົາໃຈໃສ່ໃນລະດັບສູງນຳການຂະຫຍາຍການພົວພັນມິດຕະພາບກັບໄທ, ຍິນດີທຳຄວາມພະຍາຍາມຮ່ວມກັນກັບວົງການຕ່າງໆຂອງໄທ, ສືບຕໍ່ຮັກສາການໄປມາຫາສູ່ກັນລະດັບສູງລະຫວ່າງສອງປະເທດ, ຊຸກຍູ້ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ, ຊຸກຍູ້ການແລກປ່ຽນດ້ານຊັບພະຍາກອນ, ເຮັດໃຫ້ເນື້ອໃນຈິດໃຈຂອງການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດກ້າວໄປຂຶ້ນຢ່າງບໍ່ຢຸດຢັ້ງ.
 |
