ເນື່ອງໃນໂອກາດວັນສ້າງຕັ້ງສາທາລະນະລັດປະຊາຊົນຈີນຄົບຮອບ 65 ປີ, ປະມຸກລັດຫຼາຍປະເທດ ແລະ ຜູ້ຮັບຜິດຊອບຂອງອົງການຈັດຕັ້ງສາກົນຈຳນວນຫຼາຍໄດ້ພາກັນສົ່ງໂທລະເລກຫຼືສານອວຍພອນມາຈີນ ເພື່ອສະແດງພອນໄຊອັນປະເສີດມາຍັງລັດຖະບານ ແລະ ປະຊາຊົນຈີນ, ອວຍພອນໃຫ້ຈີນຈົ່ງຈະເລີນຮຸ່ງເຮືອງ, ປະຊາຊົນຈົ່ງຢູ່ເຢັນເປັນສຸກ.
ພວກທ່ານຍ້ອງຍໍຈີນ ເຊິ່ງພາຍໃຕ້ການນຳພາອັນສະຫຼາດສ່ອງໃສຂອງພັກກອມມູນິດຈີນ ໄດ້ຮັບໝາກຜົນການພັດທະນາອັນຍິ່ງໃຫຍ່, ລະດັບຊີວິດການເປັນຢູ່ຂອງປະຊາຊົນໄດ້ກະເຕື້ອງດີຂຶ້ນຢ່າງເດັ່ນຊັດ, ຖານະ ແລະ ບົດບາດໃນສາກົນກໍ່ໄດ້ຍົກສູງຂຶ້ນຢ່າງບໍ່ຢຸດຢັ້ງ.
ພວກທ່ານອວຍພອນໃຫ້ຈີນຈົ່ງໄດ້ຮັບຜົນງານໃໝ່ໃຫຍ່ຫຼວງກວ່າເກົ່າຢ່າງບໍ່ຢຸດຢັ້ງໃນຂະບວນການປະຫວັດສາດອັນຍິ່ງໃຫຍ່ແຫ່ງການກໍ່ສ້າງປະເທດຊາດ, ເຊື່ອວ່າການພັດທະນາຂອງຈີນແມ່ນໂອກາດໃຫຍ່ສຳລັບທົ່ວໂລກ, ຈີນແມ່ນກຳລັງອັນສຳຄັນໃນການຮັກສາສັນຕິພາບຂອງໂລກ ແລະ ຊຸກຍູ້ການພັດທະນາຮ່ວມກັນ, ຄອງຄອຍສືບຕໍ່ເພິ່ມທະວີການແລກປ່ຽນ ແລະ ຮ່ວມມືກັບຈີນ.
