"ໜັງສືພິມຮາຣຽນ ນູຊານທາຣາ(HARIAN NUSANTARA)" ຂອງອິນໂດເນເຊຍສະບັບວັນທີ 1 ຕຸລາໄດ້ພິມບົດຄວາມ ເຊິ່ງຍ້ອງຍໍຈີນບຸກໜ້າບືນຕົວໃນກະແສການປ່ຽນແປງໃໝ່, ແລະອວຍພອນວັນຊາດຈີນຄົບຮອບ 65 ປີ.
ບົດຄວາມຂຽນວ່າ, ໃນໄລຍະ 65 ປີມານີ້, ຈີນໄດ້ຜ່ານຜ່າຄວາມຫຍຸ້ງຍາກນານາປະເທດ, ໄດ້ຈາກປະເທດທີ່ທຸກຍາກຫຼ້າຫຼັງ, ກໍ່ສ້າງເປັນປະເທດໃຫຍ່ດ້ານເສດຖະກິດໃນໂລກທີ່ມີກຳລັງດ້ານເສດຖະກິດອັນແຂງແຮງ, ກຳລັງປ້ອງກັນປະເທດນັບມື້ນັບເຂັ້ມແຂງ, ວິທະຍາາດເຕັກໂນໂລຊີທັນສະໄໝກ້າວໜ້າ, ລະດັບຊີວິດການເປັນຢູ່ຂອງປະຊາຊົນໄດ້ກະເຕື້ອງດີຂຶ້ນຢ່າງບໍ່ຢຸດຢັ້ງ, ເຊິ່ງບໍ່ພຽງແຕ່ໃຫ້ປະຊາກອນຈຳນວນ 1 ຕື້ 300 ລ້ານຄົນໄດ້ຮັບຄວາມສຸກເທົ່ານັ້ນ,ແຕ່ຍັງເຮັດໃຫ້ປະຊາຊົນປະເທດຕ່າງໆເບິ່ງດ້ວຍສາຍຕາໃໝ່ນຳອີກ.
ບົດຄວາມເຫັນວ່າ, ໃນ 10 ກວ່າປີຜ່ານມານີ້, ການພົວພັນມິດຕະພາບລະຫວ່າງຈີນ ກັບ ປະເທດອາຊຽນ ໂດຍສະເພາະແມ່ນການພົວພັນຈີນ-ອິນໂດເນເຊຍໄດ້ຂະຫຍາຍຕົວຢ່າງບໍ່ຢຸດຢັ້ງ, ຜູ້ນຳຂັ້ນສູງອິນໂນເນເຊຍ ແລະ ຈີນໄດ້ໄປມາຫາສູ່ຢ້ຽມຢາມກັນເລື້ອຍໆ, ການໄປມາຫາສູ່ລະຫວ່າງປະຊາຊົນສອງປະເທດກໍ່ໄດ້ພັດທະນາເຂົ້າສູ່ລວງເລິກ, ໄດ້ຮັດແໜ້ນໃຫ້ມິດຕະພາບຖານອ້າຍນ້ອງລະຫວ່າງສອງປະເທດໝັ້ນຄົງທີ່ສຸດ. ສອງປະເທດໄດ້ພ້ອມກັນປະກອບສ່ວນອັນໃຫຍ່ຫຼວງເຂົ້າໃນສັນຕິພາບຂອງອາຊີ ແລະ ໂລກ. ການພັດທະນາກ້າວຂຶ້ນຂອງຈີນຈະບໍ່ເປັນໄພຂົ່ມຂູ່ຕໍ່ປະເທດໃດໆ, ນະໂຍບາຍການຕ່າງປະເທດແບບສັນຕິພາບຂອງຈີນໄດ້ຮັບຄວາມຍ້ອງຍໍ ແລະ ການສະໜັບສະໜູນຈາກປະເທດສ່ວນຫຼາຍຂອງໂລກ.
