ໃນຖານະທີ່ເປັນພື້ນຖານໂຄງລ່າງທີ່ສໍາຄັນສໍາລັບເສດຖະກິດແຫ່ງຊາດ, ການຄົມມະນາຄົມແລະຂົນສົ່ງໄດ້ກາຍເປັນວຽກງານທີ່ສໍາຄັນໃນການຟື້ນຟູເສດຖະກິດຫຼັງ ສປ ຈີນ ສ້າງຕັ້ງຂຶ້ນ. ທາງລົດໄຟເສີງຕູ່-ຈົງກິ່ງເປັນທາງລົດໄຟສາຍທໍາອິດທີ່ສ້າງສໍາເລັດຫຼັງ ສປ ຈີນ ສ້າງຕັ້ງຂຶ້ນ.
ໃນເດືອນມິຖຸນາ ປິ 1950, ພາຍໃຕ້ການສະໜັບສະໜູນຂອງລັດຖະບານສູນກາງ ແລະທ້ອງຖິ່ນຕ່າງໆໃນທົ່ວປະເທດຈີນ, ທາງລົດໄຟເສີງຕູ່-ຈົງກິ່ງທີ່ຂ້າມແຂວງເສສວນແລະຈົງກິ່ງ ໄດ້ເລີ່ມກໍ່ສ້າງ. ໃນເດືອນກໍລະກົດ ປີ 1952, ທາງລົດໄຟສາຍນີ້ໄດ້ສ້າງສໍາເລັດແລະໃຫ້ການບໍລິການ. ທາງລົດໄຟສາຍນີ້ຍາວ 505 ກິໂລແມັດ ເຊິ່ງແມ່ນອອກແບບແລະກໍ່ສ້າງໂດຍຈີນ ແລະນໍາໃຊ້ວັດຖຸກໍ່ສ້າງທີ່ຜະລິດໂດຍຈີນ.
ທາງລົດໄຟສາຍນີ້ເປັນທາງລົດໄຟຕອນໜຶ່ງຂອງທາງລົດໄຟສວນຮ້ານທີ່ໄດ້ວາງແຜນກໍ່ສ້າງໃນລາຊະວົງຊິງ ແລະບໍ່ໄດ້ປູລາງເຫຼັກໃນໄລຍະເກືອບເຄິ່ງສະຕະວັດ, ແຕ່ຫຼັງຈາກສ້າງຕັ້ງ ສປ ຈີນແລ້ວ, ໃຊ້ພຽງແຕ່ສອງປີເທົ່ານັ້ນກໍສາມາດສ້າງສໍາເລັດແລະໃຫ້ບໍລິການໄດ້ແລ້ວ ເຊິ່ງເປັນການຊຸກຍູ້ການຟື້ນຟູແລະການພັດທະນາເສດຖະກິດຂອງເຂດຕາເວັນຕົກສຽງໃຕ້ຂອງຈີນ.