ວັນທີ17ຕຸລານີ້, ຢູ່ປັກກິ່ງ, ທ່ານລີຢວນຊາວ, ຮອງປະທານປະເທດຈີນໄດ້ຕ້ອນຮັບການເຂົ້າຢ້ຽມຄຳນັບຂອງທ່ານຟູງກວງແທງ, ກຳມະການກົມການເມືອງສູນກາງພັກກອມມູນິດຫວຽດນາມ, ຮອງເລຂາທິການຄະນະກຳມະການການທະຫານສູນກາງທັງເປັນລັດຖະມົນຕີວ່າການກະຊວງປ້ອງກັນປະເທດຫວຽດນາມ.
ທ່ານລີຢວນຊາວກ່າວວ່າ, ຈີນແລະຫວຽດນາມພວມຢູ່ໃນໄລຍະສຳຄັນແຫ່ງການພັດທະນາເສດຖະກິດສັງຄົມ, ສອງຝ່າຍຄວນເພີ່ມທະວີການແລກປ່ຽນກັນດ້ານ ຍຸດທະສາດ, ເພີ່ມທະວີຄວາມໄວ້ເນື້ອເຊື່ອໃຈກັນ, ຄວບຄຸມຄວາມຂັດແຍ່ງກັນທາງທະເລ, ຊຸກຍູ້ການພັດທະນາຮ່ວມກັນ, ເພີ່ມທະວີການຮ່ວມມືທີ່ຕິດແທ້ຕົວຈິງ, ຮັກສາໃຫ້ການພົວພັນລະຫວ່າງສອງພັກແລະສອງປະເທດຂະຫຍາຍຕົວຢ່າງປອດໄສແລະໝັ້ນທ່ຽງ.
ທ່ານຟູງກວງແທງກ່າວວ່າ, ຫວຽດນາມແລະຈີນມີການພົວພັນຢ່າງໃກ້ຊິດ, ມີຜົນປະໂຫຍດຮ່ວມກັນຢ່າງກວ້າງຂວາງ. ກອງທັບຫວຽດນາມຍິນດີປະກອບສ່ວນເຂົ້າໃນການຊຸກຍູ້ໃຫ້ການພົວພັນລະຫວ່າງສອງປະເທດແລະສອງກອງທັບຂະຫຍາຍຕົວຢ່າງປອດໄສແລະໝັ້ນທ່ຽງເປັນເວລາຍາວນານ, ຮັກສາສັນຕິພາບແລະສະເຖຍລະພາບຂອງພາກພື້ນ.
