ວັນທີ 17 ຕຸລານີ້, ຢູ່ນະຄອນຫຼວງບາງກອກຂອງໄທ, ບໍລິສັດ CNR ລົດໄຟສາງຊູນຫຸ້ນສ່ວນຈໍາກັດຂອງຈີນຮ່ວມກັບສະຫະພາບ BBC （ປະກອບດ້ວຍບໍລິສັດ CRCC ຂອງຈີນ, ບໍລິສັດ Khao Lhak Bamboo Orchid ແລະບໍລິສັດ UMMC） ໄດ້ເຊັນສັນຍາກັບບໍລິສັດທາງລົດໄຟແຫ່ງຊາດໄທ ຫຼື SRT ກ່ຽວກັບໂຄງການການຈັດຊື້ລົດໄຟໂດຍສານຈໍານວນ 115 ຂະບວນສໍາລັບລາງລົດໄຟທີ່ມີຄວາມກວ້າງ 1 ແມັດ.
ນີ້ແມ່ນສັນຍາສະບັບໃຫຍ່ທີ່ສຸດຂອງບໍລິສັດ SRT ກ່ຽວກັບການຈັດຊື້ລົດໄຟໂດຍສານ ແລະກໍແມ່ນຄັ້ງທໍາອິດທີ່ຈີນສົ່ງອອກລົດໄຟໂດຍສານສໍາລັບລາງລົດໄຟເຫຼັກກ້າທີ່ບໍ່ເຂົ້າໝ້ຽງ ແລະມີຄວາມກວ້າງ 1 ແມັດ.ລັດຖະມົນຕີຊ່ວຍວ່າການກະຊວງຄົມມະນາຄົມໄທໄດ້ຕີລາຄາສູງແລະໃຫ້ຄວາມມຸ່ງຫວັງຢ່າງແຮງກ້າແກ່ສັນຍາສະບັບນີ້, ທ່ານກ່າວວ່າ, ໄທເຊັນສັນຍາສະບັບນີ້ກັບບໍລິສັດ CNR ຂອງຈີນ, ນີ້ບໍ່ພຽງແຕ່ໄດ້ສະແດງໃຫ້ເຫັນເຖິງໄມຕີຈິດມິດຕະພາບໄທ-ຈີນເທົ່ານັ້ນ, ຍັງໄດ້ສະແດງໃຫ້ເຫັນວ່າ ປະຊາຊົນໄທຍອມຮັບ ຜະລິດຕະພັນຂອງຈີນໃນລະດັບສູງ.
