ຕາມຂ່າວສານຊິນຮວາ: ວັນທີ24 ຕຸລານີ້, ທ່ານນາງມາຣີ ປາວເລ ກີນີ ຜູ່ຊ່ວຍຜູ່ອຳນວຍການໃຫຍ່ອົງການອະນາໄມໂລກຫຼື WHO ກ່າວຢູ່ເຊີແນວວ່າ, ວັກແຊງອີໂບລາອາດຈະເລີ່ມໃຊ້ໃນ 6 ເດືອນຕົ້ນປີໜ້າ.
ວັນທີ 24 ຕຸລານີ້, ໃນງານຖະແຫຼງຂ່າວທີ່ຈັດຂຶ້ນຢູ່ສຳນັກງານໃຫຍ່ WHO, ທ່ານນາງກີນີກ່າວວ່າ, ການທົດລອງປົວພະຍາດໄລຍະທຳອິດຂອງວັກແຊັງສອງຊະນິດຄື cAd3-EBOV ແລະ rVSV-ZEBOVໄດ້ເລີ່ມປະຕິລັດຢູ່ອາເມລິກາ, ອັງກິດແລະມາລີ, ເດືອນທັນວາປີນີ້ຈະໄດ້ຮັບໝາກຜົນເບື້ອງຕົ້ນ. ສະວີສ, ເຢຍລະມັນ, ເກນຢາແລະກາບົງຍັງຈະລິເລີ່ມການທົດລອງທາງຄວາມປອດໄພແລະຜົນຕ້ານເຊື້ອພະຍາດຂອງວັກແຊງ. ນອກນີ້, ວັກແຊັງແບບທົດລອງອີກ 5 ຊະນິດຍັງຈະເລີ່ມການທົດລອງປົວພະຍາດໃນລະດູບານໃໝ່ປີໜ້າ.
