ຕອນຄ່ຳວັນທີ 24 ຕຸລານີ້, ສະພາຄວາມໝັ້ນຄົງອົງການສະຫະປະຊາຊາດໄດ້ອອກຖະແຫຼງການ, ໂດຍກ່າວປະນາມເຫດການຫຼອນໂຈມຕີແບບກໍ່ການຮ້າຍທີ່ເກີດຂຶ້ນຢູ່ແຂວງຊີນາຍເໜືອຂອງເອຢິບທີ່ເກີດຂຶ້ນໃນມື້ດຽວກັນ, ແລະກ່າວຢ້ຳວ່າ ຈະອີງຕາມພາລະໜ້າທີ່ທີ່ກຳນົດໄວ້ໃນກົດບັດສະຫະປະຊາຊາດ, ຕໍ່ຕ້ານລັດທິກໍ່ການຮ້າຍທຸກຮູບແບບຢ່າງເດັດຂາດ.
ໃນຖະແຫຼງການຂອງສະພາຄວາມໝັ້ນຄົງກ່າວຢ້ຳວ່າ, ລັດທິກໍ່ການຮ້າຍທຸກຮູບແບບລ້ວນແຕ່ເປັນການຂົ່ມຂູ່ທີ່ໜັກໜ່ວງທີ່ສຸດຕໍ່ສັນຕິພາບແລະຄວາມໝັ້ນຄົງຂອງສາກົນ, ບໍ່ວ່າເກີດຂຶ້ນໃນເວລາໃດແລະຢູ່ໃສ, ໃຜເປັນຜູ້ເຮັດ ແລະມີເຈດຕະນາໃດໆ, ລັດທິກໍ່ການຮ້າຍລ້ວນແຕ່ເປັນການກະທຳຜິດແລະບໍ່ສາມາດເວົ້າແກ້ຕົວໄດ້. ສະພາຄວາມໝັ້ນຄົງກ່າວຢ້ຳວ່າ ຈະອີງຕາມພາລະໜ້າທີ່ທີ່ກຳນົດໄວ້ໃນກົດບັດສະຫະປະຊາຊາດ, ຕໍ່ຕ້ານລັດທິກໍ່ການຮ້າຍທຸກຮູບແບບຢ່າງເດັດຂາດ.
 |
