ນັກຂ່າວຂອງສະຖານີໂທລະພາບແຫ່ງຊາດລາວກໍາລັງດໍາເນີນການສໍາພາດໃນໄລຍະຈັດກິດຈະກໍາຄັ້ງນີ້.
ວັນທີ 28 ຕຸລານີ້, ງານວາງສະແດງສາກົນເສັ້ນທາງສາຍໄໝທາງທະເລສະຕະວັດທີ 21 ໄດ້ຈັດກອງປະຊຸມຂ່າວຢູ່ນະຄອນກວາງໂຈ່ວ ແຂວງກວາງຕຸ້ງຈີນ ໂດຍມີນັກຂ່າວຂອງສື່ມວນຊົນທີ່ສໍາຄັນຂອງລາວ, ມາເລເຊຍ, ໂມຣີຕານີ, ນີເຊຣີ, ອິນເດຍ, ອີຕາລີ, ກໍາປູເຈຍ, ສິງກະໂປ ແລະໄທ ໄດ້ເຂົ້າຮ່ວມກອງປະຊຸມຂ່າວຄັ້ງນີ້ ໂດຍໄດ້ສອບຖາມກ່ຽວກັບສະພາບຂອງການຄ້າສອງຝ່າຍ ແລະສະພາບກ່ຽວກັບວິສາຫະກິດທີ່ຈະເຂົ້າຮ່ວມງານວາງສະແດງຄັ້ງນີ້.
ໃນເວລາຕອບຄໍາຖາມຈາກນັກຂ່າວ, ທ່ານອູຈູນ, ຮອງຫົວໜ້າພະແນກການຄ້າແຂວງກວາງຕຸ້ງ, ຫົວໜ້າຄະນະເລຂາຄະນະກໍາມະການຈັດຕັ້ງງານວາງສະແດງສາກົນເສັ້ນທາງສາຍໄໝທາງທະເລສະຕະວັດທີ 21 ເຜີຍໃຫ້ຮູ້ວ່າ, ຈະຕັ້ງໜ້າສົ່ງເສີມວິສາຫະກິດທີ່ມີກໍາລັງແຮງຕົວຈິງຢູ່ແຂວງກວາງຕຸ້ງໃຫ້ເຂົ້າຮ່ວມການກໍ່ສ້າງພື້ນຖານໂຄງລ່າງຢູ່ປະເທດທີ່ຢູ່ລຽບຕາມເສັ້ນທາງສາຍໄໝທາງທະເລ ແລະເຂົ້າຮ່ວມການຮ່ວມມືດ້ານຊັບພະຍາກອນແລະພະລັງງານ ໂດຍຜ່ານ ງານວາງສະແດງສາກົນເສັ້ນທາງສາຍໄໝທາງທະເລສະຕະວັດທີ 21, ຊຸກຍູ້ການເຕີບໂຕຂອງຕະຫຼາດການທ່ອງທ່ຽວ, ດໍາເນີນການຮ່ວມມືດ້ານການລົງທຶນດ້ວຍຮູບການເຂດນິຄົມອຸດສາຫະກໍາ ແລະອື່ນໆ.
ກອງປະຊຸມຂ່າວຄັ້ງນີ້ເປັນໜຶ່ງໃນກິດຈະກໍາຕ່າງໆຂອງກິດຈະກໍາທີ່ວ່າ "ສື່ມວນຊົນທີ່ສໍາຄັນຂອງປະເທດເອີຣົບແລະປະເທດທີ່ຢູ່ລຽບຕາມເສັ້ນທາງສາຍໄໝທາງທະເລຮັບຮູ້ແຂວງກວາງຕຸ້ງຈີນ."
