ງານວາງສະແດງສາກົນເສັ້ນທາງສາຍໄໝທາງທະເລສະຕະວັດທີ 21 ປີ 2014 ໄດ້ຈັດຂຶ້ນຢູ່ນະຄອນຕຸ່ງກວນແຂວງກວາງຕຸ້ງຂອງຈີນໃນວັນທີ 31 ຕຸລາແລ້ວນີ້. ທ່ານນາງສຸກສະຫວັນ ແກ້ວດາບົດ, ນັກຂ່າວໂທລະພາບແຫ່ງຊາດລາວທີ່ເຂົ້າຮ່ວມພິທີໄຂງານກ່າວວ່າ, ງານວາງສະແດງເສັ້ນທາງສາຍໄໝທາງທະເລເປັນເວທີທີ່ດີໃນການເພີ່ມທະວີການຮ່ວມມືລະຫວ່າງຈີນກັບປະເທດຢູ່ຕາມເສັ້ນທາງສາຍໄໝທາງທະເລ, ຫວັງວ່າປະເທດຕ່າງໆທີ່ເຂົ້າຮ່ວມງານວາງສະແດງໃນຄັ້ງນີ້ເພີ່ມທະວີຄວາມຮັບຮູ້ເຊິ່ງກັນແລະກັນ, ໂຄສະນາເຜີຍແຜ່ຜະລິດຕະພັນຂອງຕົນແລະເປີດກວ້າງຕະຫຼາດໂດຍຜ່ານເວທີແຫ່ງນີ້."
ນາງສຸກສະຫວັນເຫັນວ່າ, ງານວາງສະແດງໃນຄັ້ງນີ້ໄດ້ດຶງດູດປະເທດຢູ່ຕາມເສັ້ນທາງສາຍໄໝທາງທະເລຫຼາຍປະເທດໄປເຂົ້າຮ່ວມເຊິ່ງໄດ້ວາງສະແດງໃຫ້ເຫັນຜະລິດຕະພັນທີ່ມີເອກະລັກພິເສດຂອງປະເທດເຫຼົ່ານີ້. ການວາງສະແດງເຫຼົ່ານີ້ສາມາດຊ່ວຍປະເທດຕ່າງໆເປີດກວ້າງຕະຫຼາດໃໝ່, ເປີດກວ້າງຂະໜາດຂອງການທຸລະກິດ, ແລະຊຸກຍູ້ການພັດທະນາເສດຖະກິດແລະສັງຄົມຂອງທ້ອງຖິ່ນ.
ເມື່ອເວົ້າເຖິງໝາກຜົນທີ່ຕົນເອງໄດ້ຮັບໃນງານວາງໃນຄັ້ງນີ້, ນາງສຸກສະຫວັນກ່າວວ່າ, ຈີນແລະປະເທດທີ່ເຂົ້າຮ່ວມງານໄດ້ເພີ່ມທະວີຄວາມເຂົ້າໃຈເຊິ່ງກັນແລະກັນໂດຍຜ່ານການແລກປ່ຽນໃນຫຼາຍດ້ານແລະຫຼາຍລະດັບ. ເວົ້າສຳລັບປະເທດລາວແລ້ວ, ຜ່ານການເຂົ້າຮ່ວມງານວາງສະແດງໃນຄັ້ງນີ້, ປະເທດລາວສາມາດຖອດຖອນບົດຮຽນນຳປະເທດອື່ນໆທີ່ເຂົ້າຮ່ວມງານໃນຫຼາຍດ້ານໂດຍສະເພາະໃນດ້ານເສດຖະກິດການຄ້າແລະການເປີດກວ້າງຕະຫຼາດ.
 |
