ຫວ່າງມໍ່ໆມານີ້, ໃນຂະນະທີ່ກວດກາກຳປັ່ນຂົນສົ່ງນ້ຳມັນຂະໜາດໃຫຍ່ລຳໜຶ່ງຢູ່ເຂດທະເລເປີນເກີຣາງລັດໂຈໂຮຂອງມາເລເຊຍ, ຕຳຫຼວດທະເລຂອງມາເລເຊຍໄດ້ພົບເຫັນວ່າມີກະລາສີ 4 ຄົນຖືກເຊື່ອງໄວ້ຢູ່ໃນກຳປັ່ນ. ແລະໄດ້ກວດພົບໂຈນສະຫຼັດອີກ 9 ຄົນພ້ອມດ້ວຍ, ພ້າ 10 ດວງແລະອາວຸດອັນແຫຼມຄົມອື່ນໆຢູ່ໃນເຮືອ.ຫຼັງຈາກນັ້ນ, ຕຳຫຼວດທາງທະເລໄດ້ຈັບຕົວເຂົາເຈົ້າໄດ້ໝົດໃນບາດດຽວ, ນີ້ກໍ່ແມ່ນການຈັບຕົວໂຈນສະຫຼັດຢູ່ເຂດທະເລໂຈໂຮຂອງທ້ອງຖິ່ນເປັນຄັ້ງທຳອິດ.
ເຂດທະເລເປີນເກີຣາງແລະຊ່ອງແຄບສິງກະໂປທີ່ຢູ່ໃກ້ກັນ ແລະ ຊ່ອງແຄບມາລັກກາທາງແຄມຝັ່ງທິດຕາເວັນຕົກຂອງແຫຼມມາເລເຊຍແມ່ນໜຶ່ງໃນເສັ້ນທາງທະເລທີ່ມີການໄປມາຫາສູ່ກັນເປັນປະຈຳແລະກໍ່ເປັນເຂດທະເລທີ່ມີໂຈນສະຫຼັດເຄື່ອນໄຫວຫຼາຍທີ່ສຸດ.
 |
