ວັນທີ 8 ພະຈິກນີ້, ທ່ານອັຈ໌ມັນ ຮາຊິມ, ຜູ້ວ່າການທະນາຄານ Ambank ມະເລເຊຍ, ປະທານຮ່ວມຂອງໜ່ວຍງານການເງິນແລະເສດຖະກິດຂອງສະພາມົນຕີໃຫ້ຄຳປຶກສາອຸດສາຫະກຳການຄ້າຂອງ APECທີ່ກຳລັງເຂົ້າຮ່ວມກອງປະຊຸມ APEC ຢູ່ປັກກິ່ງກ່າວວ່າ, ບັນດາສະມາຊິກອົງການ APEC ຄວນນຳໃຊ້ກົນໄກຕ່າງໆທີ່ມີຢູ່ໃນປັດຈຸບັນ, ພະຍາຍາມບັນລຸຄວາມຄິດທີ່ສ້າງເຂດການຄ້າເສລີອາຊີປາຊີຟິກຫຼື FTAAP. ເຖິງວ່າການເຈລະຈາກ່ຽວກັບ FTAAP ຈະສັບສົນແລະເຕັມໄປດ້ວຍສິ່ງທ້າທາຍຢ່າງແນ່ນອນກໍ່ຕາມ, ແຕ່ຄວາມຄິດດັ່ງກ່າວຈະສາມາດບັນລຸຜົນເປັນຈິງໄດ້ໃນທີ່ສຸດ.
ທ່ານອັຈ໌ມັນກ່າວວ່າ, ບັນດາສະມາຊິກອົງການ APEC ຄວນສືບຕໍ່ຊຸກຍູ້ການຄ້າແລະການລົງທຶນຫັນເປັນແບບເສລີເພື່ອປັບປຸງໃຫ້ເສດຖະກິດອາຊີປາຊີຟິກເຊື່ອງໂຍງເຂົ້າກັນໃຫ້ໝັ້ນທ່ຽງ. ທ່ານກ່າວວ່າ, ການເຈລະຈາກ່ຽວກັບສັນຍາຄູ່ຮ່ວມຍຸດທະສາດດ້ານເສດຖະກິດເຂດປາຊີຟິກຫຼືTPPແລະການພົວພັນຄູ່ຮ່ວມເສດຖະກິດຮອບດ້ານຂອງພາກພື້ນຫຼືRECPເປັນຕົ້ນ, ໂດຍສະເພາະຖ້າວ່າການເຈລະຈາກ່ຽວກັບ RECP ເຊິ່ງມາເລເຊຍໄດ້ມີສ່ວນຮ່ວມຢ່າງຕັ້ງໜ້າໃນຖານະເປັນສະມາຊິກອາຊຽນສຳເລັດແລ້ວ, ຈະສາມາດກຳຈັດກຳແພງການຄ້າແລະການລົງທຶນຂອງພາກພື້ນແຫ່ງນີ້, ຫຼຸດຕົ້ນທຶນການຄ້າແລະປັບປຸງຕ່ອງໂອ້ຂະແໜງການໃຫ້ດີກວ່າເກົ່າ, ແລ້ວປ່ຽນແປງວິທີການຄ້າຂອງພາກພື້ນອາຊີປາຊີຟິກໃນປັດຈຸບັນ.
 |
