ກອງປະຊຸມສຸດຍອດອາຊຽນເນັ້ນໜັກເຖິງການສ້າງປະຊາຄົມແລະການພັດທະນາແບບຍືນຍົງ
2014-11-12 14:54:51 cri
ກອງປະຊຸມສຸດຍອດອາຊຽນຄັ້ງທີ 25 ໄດ້ໄຂຂຶ້ນຢູ່ນະຄອນຫຼວງເນປີດໍຂອງມຽນມາໃນວັນທີ 12 ພະຈິກນີ້. ຜູ້ນຳຂອງ 10 ປະເທດອາຊຽນຈະສຸມໃສ່ຫາລືກ່ຽວກັບຄວາມຄືບໜ້າຂອງການສ້າງປະຊາຄົມອາຊຽນແລະແຜນການຂະຫຍາຍຕົວໄລຍະຕໍ່ໄປຫຼັງຈາກສ້າງປະຊາຄົມອາຊຽນຂຶ້ນ, ພ້ອມກັບຫົວ ຂໍ້ທີ່ເພີ່ມທະ ວີການກໍ່ສ້າງການຈັດຕັ້ງແລະຄວາມສາມາດຂອງອາຊຽນເອງ ແນວໃດ.
ທ່ານເທນເຊັນ ປະທານາທິບໍດີມຽນມາ ທີ່ເປັນປະເທດປະທານວຽນຂອງອາຊຽນກ່າວໄຂປະຊຸມວ່າ, ການໄຂກອງປະຊຸມສຸດຍອດເທື່ອນີ້ແມ່ນຂໍກະແຈທີ່ສຳຄັນເນື່ອງໃນໂອກາດສ້າງປະຊາຄົມອາຊຽນ. ອາຊຽນມີແຜນຈະສ້າງເປັນປະຊາຄົມອາຊຽນໃນທ້າຍປີ 2015, ປັດຈຸບັນ, ເປົ້າໝາຍສ່ວນຫຼາຍໄດ້ບັນລຸເປັນຈິງແລ້ວ, ແຕ່ຍັງຕ້ອງການສືບຕໍ່ພະຍາຍາມ, ແລະກໍຄວນຮັບມືກັບສິ່ງທ້າທາຍໃໝ່ທີ່ເກີດຂຶ້ນຫຼັງຈາກປີ 2015.
ທ່ານເທນເຊັນກ່າວວ່າ, ເຖິງວ່າເສດຖະກິດທົ່ວໂລກປະສົບກັບສິ່ງທ້າທາຍຕ່າງໆກໍ່ຕາມ, ແຕ່ໃນຫຼາຍປີຕໍ່ໜ້ານີ້, ເສດຖະກິດຂອງອາຊຽນຍັງອາດຈະເຕີບໂຕຂຶ້ນດ້ວຍຈັງຫວັດ 5% ໂດຍລວມ. ສະນັ້ນ ຜູ້ນຳຂອງອາຊຽນຍັງຄວນພະຍາຍາມຕໍ່ໄປເພື່ອໃຫ້ອາຊຽນມີບົດບາດເປັນເວທີການຮ່ວມມືໃຈກາງຕື່ມ, ຊຸກຍູ້ໃຫ້ເຂດນີ້ເຊື່ອມໂຍງເຂົ້າກັນ, ສະແຫວງຫາການພັດທະນາແບບຍືນຍົງ, ເຮັດໃຫ້ເສດຖະກິດພາກພື້ນນີ້ມີພະລັງຊີວິດຊີວາຂຶ້ນ, ເພີ່ມຄວາມສາມັກຄີແລະກຳລັງການແຂ່ງຂັນຂອງອາຊຽນໃຫ້ຫຼາຍຂຶ້ນ.
ຫົວຂໍ້ຫຼັກຂອງກອງປະຊຸມອາຊຽນຄັ້ງນີ້ຄື: ສາມັກຄີກັນເຂົ້າ, ກ້າວໄປສູ່ປະຊາຄົມອາຊຽນທີ່ມີສັນຕິພາບແລະຄວາມຈະເລີນຮຸ່ງເຮືອງ. ອາຊຽນຍັງຈະຈັດກອງປະຊຸມອາຊຽນ +1 ກັບຈີນ, ອາຊຽນ +3 ກັບຈີນ ຍີ່ປຸ່ນແລະສ.ເກົາຫຼີ, ແລະກອງປະຊຸມອາຊຽນ +8 ກັບ 8 ປະເທດຄູ່ສົນທະນາ ຄື ກອງປະຊຸມສຸດຍອດອາຊີຕາເວັນອອກ.
