ຈີນເປັນກໍາລັງສັນຕິພາບແລະສະເຖຍລະພາບຂອງພາກພື້ນອາຊີຕາເວັນອອກຢ່າງສະເໝີຕົ້ນສະເໝີປາຍ
2014-11-14 10:34:45 cri
ຕອນເຊົ້າວັນທີ 13 ພະຈິກນີ້, ໃນເວລາປະກອບຄວາມຄິດຄວາມເຫັນໃນເວລາເຂົ້າຮ່ວມກອງປະຊຸມສຸດຍອດອາຊີຕາເວັນອອກຄັ້ງທີ 9 ຢູ່ນະຄອນຫຼວງເນປິດໍຂອງມຽນມາ, ທ່ານຫຼີເຄີ້ສຽງ, ນາຍົກລັດຖະມົນຕີຈີນຊີ້ອອກວ່າ, ຈີນເປັນກໍາລັງສັນຕິພາບແລະສະເຖຍລະພາບຂອງພາກພື້ນອາຊີຕາເວັນອອກຢ່າງສະເໝີຕົ້ນສະເໝີປາຍ, ຍຶດໝັ້ນໃນການເດີນຕາມເສັ້ນທາງພັດທະນາໂດຍສັນຕິ, ຍິນດີຮ່ວມກັບປະເທດຕ່າງໆໃນພາກພື້ນນີ້ ເພື່ອສ້າງປະຊາຄົມຮ່ວມຜົນປະໂຫຍດ, ປະຊາຄົມຮ່ວມຄວາມຮັບຜິດຊອບ ແລະປະຊາຄົມຮ່ວມຊາຕາກໍາອາຊີ. ສະເຖຍລະພາບແລະຄວາມສະຫງົບຖາວອນຕ້ອງການການຈັດສັນດ້ານລະບົບທີ່ໝັ້ນແກ່ນ, ຈີນແລະປະເທດອາຊຽນກໍາລັງປຶກສາຫາລື ກ່ຽວກັບການເຊັນ"ສັນຍາວ່າດ້ວຍການຮ່ວມມືທີ່ມີໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີ"ເພື່ອອໍານວຍການຮັບປະກັນດ້ານລະບົບແລະກົດໝາຍໃຫ້ແກ່ການຢູ່ຮ່ວມກັນໂດຍສັນຕິຂອງທຸກຮຸ້ນຄົນຂອງສອງປະເທດ ແລະຍິນດີປຶກສາຫາລືກັບປະເທດຕ່າງໆຫຼາຍກວ່າເກົ່າກ່ຽວກັບການບັນລຸເອກະສານກ່ຽວກັບໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີ ເພື່ອຊຸກຍູ້ສັນຕິພາບຖາວອນຂອງອາຊີຕາເວັນອອກ.
