ວັນທີ 14 ພະຈິກນີ້, ຈີນແລະມຽນມາໄດ້ອອກຖະແຫຼງການຮ່ວມກ່ຽວກັບການລົງເລິກການຮ່ວມມືຍຸດທະສາດຮອບດ້ານລະຫວ່າງສອງປະເທດ.
（ທ່ານຫຼີເຄີ້ສຽງ ນາຍົກລັດຖະມົນຕີຈີນພົບປະເຈລະຈາກັບທ່ານ ເທນເຊນ ປະທານາທິບໍດີມຽນມາ）
ຖະແຫຼງການຮ່ວມສະບັບດັ່ງກ່າວລວມມີ 16 ໝວດ ໂດຍໄດ້ທົບທວນຄືນຂະບວນການພັດທະນາຂອງສາຍພົວພັນມິດຕະພາບລະຫວ່າງຈີນ-ມຽນມາ, ໄດ້ຕີລາຄາສູງຕໍ່ມິດຕະພາບແບບອ້າຍນ້ອງອັນເປັນມູນເຊື້ອຂອງສອງປະເທດ. ສອງຝ່າຍເຫັນດີວ່າຈະສືບທອດນ້ຳໃຈຫຼັກ 5 ປະການຢູ່ຮ່ວມກັນໂດຍສັນຕິ, ບົນພື້ນຖານມີຄວາມໄວ້ເນື້ອເຊື່ອໃຈເຊິ່ງກັນແລະກັນແລະຕ່າງຝ່າຍຕ່າງມີຜົນປະໂຫຍດ, ເພີ່ມທະວີການຮ່ວມມືຢ່າງຮອບ ດ້ານໃນຂົງເຂດການເມືອງ, ເສດຖະກິດການຄ້າ, ຄວາມໝັ້ນຄົງ, ການທະຫານ, ວັດທະນະທຳແລະຂົງເຂດອື່ນໆ, ເພື່ອໃຫ້ການພົວພັນຄູ່ຮ່ວມມືຍຸດທະສາດຮອບດ້ານຈີນ-ມຽນມາກ້າວເຂົ້າສູ່ລະດັບໃໝ່.
（ທ່ານຫຼີເຄີ້ສຽງ ນາຍົກລັດຖະມົນຕີຈີນພົບປະເຈລະຈາກັບທ່ານ ເທນເຊນ ປະທານາທິບໍດີມຽນມາ）
ໃນເວລາພົບປະເຈລະຈາກັບທ່ານເທນເຊນ ປະທານາທິບໍດີມຽນມາໃນມື້ດຽວກັນນີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນເນັ້ນໜັກວ່າ, ຈະຍົກລະ ດັບການຮ່ວມມືທາງຍຸດທະສາດຈີນ-ມຽນມ້າໃຫ້ສູງຂຶ້ນຢ່າງຮອບດ້ານ, ສອງປະເທດຈີນມຽນມ້າຈະເປັນເພື່ອນບ້ານທີ່ດີ, ເພື່ອນມິດທີ່ດີແລະຄູ່ຮ່ວມທີ່ດີຈົນເທົ່າໃດໆ.
（ຫຼັງຈາກການພົບປະສິ້ນສຸດລົງ, ທ່ານຫຼີເຄີ້ສຽງ ນາຍົກລັດຖະມົນຕີຈີນແລະທ່ານ ເທນເຊນ ປະທານາທິບໍດີມຽນມາຮ່ວມກັນເຂົ້າຮ່ວມພິທີລົງນາມໃນສັນຍາຕ່າງໆ）
ທ່ານເທນເຊນກ່າວວ່າ, ເຖິງວ່າການຢ້ຽມຢາມຂອງທ່ານຫຼີເຄີ້ສຽງຄັ້ງນີ້ ເປັນໄລຍະສັ້ນກໍຕາມ, ແຕ່ໄດ້ຮັບຜົນສຳເລັດອັນອຸດົມສົມບູນ, ເຊິ່ງຈະຊຸກຍູ້ການຮ່ວມມືແບບຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດແລະເພີ່ມຕື່ມມິດຕະພາບລະຫວ່າງປະຊາຊົນສອງຊາດຢ່າງແຂງແຮງ.
（ ທ່ານ ເທນເຊນ ປະທານາທິບໍດີມຽນມາຈັດພິທີຕ້ອນຮັບຢ່າງສົມກຽດໃຫ້ ທ່ານຫຼີເຄີ້ສຽງ ນາຍົກລັດຖະມົນຕີຈີນຢູ່ສະໜາມຫຼວງຂອງທຳນຽບປະທານາທິບໍດີມຽນມາກ່ອນການພົບປະ）
