ວັນທີ 17 ພະຈິກນີ້, ຢູ່ສຳນັກງານລັດຖະສະພາອົສຕຣາລີ, ທ່ານສີຈິ້ນຜິງ ປະທານປະເທດຈີນໄດ້ກ່າວປາຖະກະຖາພາຍໃນຫົວຂໍ້ "ຮ່ວມມືກັນສະແຫວງຫາຄວາມໃຝ່ຝັນເພື່ອການພັດທະນາຈີນ-ອົສຕຣາລີ, ຄຽງບ່າຄຽງໄລ່ບັນລຸຄວາມຈະເລີນຮຸ່ງເຮືອງແລະສະເຖຍລະພາບຂອງພາກພື້ນ" ໂດຍໄດ້ຊີ້ໃຫ້ເຫັນເສັ້ນທາງພັດທະນາໂດຍສັນຕິ ແລະນະໂຍບາຍຕໍ່ອາຊີປາຊີຟິກຂອງຈີນ.
ໃນເວລາກ່າວປາຖະກາະຖາ, ທ່ານສີຈິ້ນຜິງໄດ້ປະກອບຄວາມເຫັນຫຼາຍຂໍ້ກ່ຽວກັບບັນຫາທີ່ຄົນທັງຫຼາຍມີຄວາມສົນໃຈ.
ໜຶ່ງ, ຈີນຍຶດໝັ້ນການພັດທະນາໂດຍສັນຕິໂດຍມີຄວາມຕັດສິນໃຈຢ່າງເດັດດ່ຽວໜຽວແໜ້ນ.
ສອງ, ຈີນຍຶດໝັ້ນການພັດທະນາຮ່ວມກັນໂດຍມີທັດສະນະຄະຕິຢ່າງເດັດດ່ຽວໜຽວແໜ້ນ.
ສາມ, ຈີນຍຶດໝັ້ນຊຸກຍູ້ການຮ່ວມມືແລະການພັດທະນາຂອງອາຊີປາຊີຟິກໂດຍຈະປະຕິບັດນະໂຍບາຍດັ່ງກ່າວນີ້ຢ່າງເດັດດ່ຽວໜຽວແໜ້ນ.
ໃນຕອນສຸດທ້າຍຂອງປາຖະກະຖາ, ທ່ານສີຈິ້ນຜິງກ່າວເນັ້ນວ່າ, ເຊື່ອໝັ້ນວ່າພາຍໃຕ້ຄວາມພະຍາຍາມຮ່ວມກັນຂອງທັງສອງຝ່າຍຈີນ-ອົສຕຣາລີ, ມິດຕະພາບລະຫວ່າງປະຊາຊົນສອງຊາດຈະສາມາດຂ້າມຜ່ານພູສູງແລະທະເລ, ມີຄວາມໝັ້ນຄົງຂະໜົງແກ່ນໂດຍບໍ່ຢ້ານຕໍ່ກັບຟ້າຝົນລົມແດງເໝືອນດັ່ງຫີນໃຫຍ່ອູລູລູທີ່ພາກໃຕ້ອົສຕຣາລີ, ແລະຍັງມີຍືດຍາວຕໍ່ເນື່ອງແລະສືບທອດກັນໄປທຸກເຊັ່ນຄົນເໝືອນດັ່ງກຳລັງເມືອງຈີນ ທາງພາກເໜືອຂອງຈີນ.
 |
