ວັນທີ 17 ພະຈິກນີ້, ທະນາຄານປະຊາຊົນຈີນ ແລະທະນາຄານຄັງສໍາຮອງອົສຕຣາລີໄດ້ລົງນາມໃນບົດບັນທຶກວ່າດ້ວຍການຮ່ວມມືດ້ານການຊໍາລະສະສາງດ້ວຍເງິນຢວນ; ຫຼັງຈາກນັ້ນ, ຈະກໍານົດທະນາຄານທີ່ດໍາເນີນທຸລະການຊໍາລະສະສາງດ້ວຍເງິນຢວນຢູ່ນະຄອນຊິດນີຂອງອົສຕຣາລີ.
ໃນວັນທີ 17 ພະຈິກນີ້, ທະນາຄານກາງຂອງສອງປະເທດຍັງໄດ້ເຫັນດີເປີດກວ້າງເຂດທົດລອງນັກລົງທຶນຕ່າງປະເທດດ້ວຍເງິນຢວນທີ່ຖືກມາດຖານ ຫຼື RQFII ນັ້ນ ໄປເຖິງອົສຕຣາລີ, ມູນຄ່າລົງທຶຶນໄລຍະຕົ້ນແມ່ນ 50 ຕື້ຢວນ. ຜູ້ຮັບຜິດຊອບທີ່ກ່ຽວຂ້ອງຂອງທະນາຄານກາງຂອງຈີນກ່າວວ່າ, ນີ້ແມ່ນການຮ່ວມມືດ້ານການເງິນລະຫວ່າງຈີນກັບອົສຕຣາລີໄດ້ມີບາດກ້າວໃໝ່ ເຊິ່ງມີຜົນດີຕໍ່ວິສາຫະກິດ ແລະສະຖາບັນການເງິນຂອງຈີນແລະອົສຕຣາລີໃນການເຮັດການຄ້າໂດຍນໍາໃຊ້ເງິນຢວນ, ສົ່ງເສີມການຄ້າສອງຝ່າຍ ແລະອໍານວຍຄວາມສະດວກແກ່ການລົງທຶນ.