ວັນທີ 24 ພະຈິກນີ້, ຢູ່ທີ່ນະຄອນຫຼວງປັກກິ່ງ, ທ່ານຫຼີເຄີ້ສຽງ, ນາຍົກລັດຖະມົນຕີຈີນໄດ້ຕ້ອນຮັບການເຂົ້າຢ້ຽມຄຳນັບຂອງເຈົ້າຄອງລັດຊີໂຮເຟີຂອງເຢຍລະມັນທີ່ມາຢ້ຽມຢາມຈີນ, ການພົບປະຄັ້ງນີ້ສອງຝ່າຍໄດ້ກ່າວເຖິງການຮ່ວມມືດ້ານການເຕະບານລະຫວ່າງຈີນ-ເຢຍລະມັນ. ທ່ານຊີໂຮເຟີກ່າວວ່າ, ທີມເຕະບານ FC Bayern Munchen ຫວັງວ່າຈະໄດ້ມາເຂົ້າຮ່ວມການແຂ່ງຂັນເຕະບານຢູ່ຈີນໃນປີ 2015 , ແລະຍິນດີຊ່ວຍເຫຼືອຈີນໃນການຝຶກອົບຮົມນັກກິລາເຕະບານທີ່ມີຄວາມສາມາດບົ່ມຊ້ອນ, ຫວັງວ່າຈະມີມື້ໃດມື້ໜຶ່ງ, ທີມເຕະບານຂອງສອງປະເທດເຢຍລະມັນແລະຈີນສາມາດແຂ່ງຂັນກັນຢູ່ສະໜາມແຂ່ງຂັນເຕະບານໂລກຮອບຊີງຊະນະເລີດ. ທ່ານຫຼີເຄີ້ສຽງຕອບໂຕ້ວ່າ, ຈີນຍິນດີຮ່ວມກັບເຢຍລະມັນເພີ່ມທະວີການຮ່ວມມືໃນດ້ານກິລາ, ການຮ່ວມມືລະຫວ່າງຈີນ-ເຢຍລະມັນຈະເປັນໂອກາດບໍ່ວ່າເວົ້າສຳລັບສອງຝ່າຍຫຼືວ່າທົ່ວໂລກ. ພາຍຫຼັງສິ້ນສຸດການເຈລະຈາ, ເຈົ້າຄອງລັດຊີໂຮເຟີຂອງເຢຍລະມັນໄດ້ມອບເສື້ອເຕະບານເລກ 8 ຂອງທີມ FC Bayern Munchen ທີ່ພິມນາມຂອງທ່ານນາຍົກລັດຖະມົນຕີຫຼີເຄີ້ສຽງໃສ່ ພ້ອມດ້ວຍການລົງນາມຂອງນັກກິລາຂອງທີມທຸກຖ້ວນໜ້າໃຫ້ແກ່ທ່ານຫຼີເຄີ້ສຽງ.
