ວັນທີ 24 ພະຈິກນີ້, ຢູ່ນະຄອນຫຼວງກົວລາລຳເປີ, ທ່ານລຽວຈົ່ງໄລ, ປະທານພັກສະມາຄົມຊາວຈີນມາເລເຊຍ (Malaysian Chinese Association)ຫຼື MCA ຊຶ່ງເປັນພັກການເມືອງຊາວຈີນຕ່າງດ້າວທີ່ໃຫຍ່ທີ່ສຸດຢູ່ມາເລເຊຍໄດ້ສະແດງຄວາມຊົມເຊີຍຕໍ່ຄຳເວົ້າຂອງທ່ານນາຈິບ ຕຸນ ຣາຊັກ, ນາຍົກລັດຖະມົນຕີມາເລເຊຍກ່ຽວກັບການທີ່ລັດຖະບານມາເລເຊຍຈະບໍ່ປິດໂຮງຮຽນຊັ້ນປະຖົມຂອງຊາວຈີນຕ່າງດ້າວຢູ່ມາເລເຊຍ. ທ່ານລຽວຈົ່ງໄລກ່າວວ່າ, ມາເລເຊຍເປັນປະເທດທີ່ມີຊື່ສຽງໂດ່ງດັງໃນດ້ານມີວັດທະນະທຳຫຼາຍເຄົ້າຈະນັບມື້ນັບມີການຫຼອມລວມເຂົ້າກັນ.
ທ່ານກ່າວວ່າ, ຖະແຫຼງການຂອງທ່ານນາຈິບ ຕຸນ ຣາຊັກ ໃນວັນທີ 23 ພະຈິກນີ້ໄດ້ເນັ້ນໜັກສັນຍາທາງສັງຄົມ (socialcontracts) ຂອງມາເລເຊຍໄດ້ຖືລັກສະນະແບບຫຼອມລວມເຂົ້າກັນເປັນເງື່ອນໄຂເບື້ອງຕົ້ນ. ທ່ານລຽວຈົ່ງໄລກ່າວວ່າ, ມາເລເຊຍແມ່ນປະເທດທີ່ມີວັດທະນະທຳຫຼາຍເຄົ້າແລະອຸດົມສົມບູນ, "ພວກຂ້າພະເຈົ້າລ້ວນແຕ່ໄດ້ດຳລົງຊີວິດຮ່ວມກັນພາຍໃຕ້ສະພາບທີ່ສະແຫວງຫາສິ່ງທີ່ຄືກັນແລະສະຫງວນສິ່ງທີ່ຕ່າງກັນ ແລະ ຕ່າງກໍ່ເຂົ້າໃຈເຊິ່ງກັນແລະກັນ. ມີແຕ່ເຮັດແນວນີ້, ພວກຂ້າພະເຈົ້າຈຶ່ງຈະສາມາດຂຸດຄົ້ນສິ່ງທີ່ຄືກັນລະຫວ່າງຊົນຊາດຕ່າງໆໃຫ້ຫຼາຍກວ່າເກົ່າ, ເພີ່ມທະວີການພົວພັນລະຫວ່າງຊົນຊາດຕ່າງໆ, ສົ່ງເສີມຄວາມສາມັກຄີກັນ, ແລະຮ່ວມກັນພັດທະນາປະເທດ. "
 |
